Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Asutosh Patro

Abstract Classics


4  

Asutosh Patro

Abstract Classics


ଏକାନ୍ତବାସରେ

ଏକାନ୍ତବାସରେ

1 min 16 1 min 16


ମୁଁ ଖୋଜୁଥିଲି

କେଇଘଣ୍ଟାର ନିଃସଙ୍ଗତା

ନୈଶବ୍ଦ ଭିତରେ ହଜିବାକୁ

ମସ୍ତିଷ୍କର ଶିରାପ୍ରଶିରାକୁ 

ଟିକେ ମହଲତ ଦେବାକୁ



କେଇଦିନର 

ଏଇ ଅକସ୍ମାତ ଏକାନ୍ତବାସ ଭିତରେ

ମୁଁ କଥା ହୋଇପାରିଛି

ମୋ ଦ୍ୱାରା ମରାମତି ହୋଇ

କାଂଥକୁ ଡେରି ଠିଆ ହୋଇଥିବା 

ମୋ ଜେଜେଙ୍କର ବଂକୁଲି ବାଡ଼ି ସହ

ଅନଭିଜ୍ଞ ହାତରେ ଆଙ୍କି

କେବେ ମୋ ଝିଅ ଦେଇଥିବା

ରଙ୍ଗମଖା ଅବୁଝା ଚିତ୍ର ସହ

ହଷ୍ଟେଲରୁ ଫେରି 

ଛୁଟି କାଟୁଥିବା ପୁଅର

ଅସରନ୍ତି ଅବ୍ୟକ୍ତ ଅପ୍ରକାଶ୍ୟ ଭାବନାଙ୍କ ସହ

କ୍ଳାନ୍ତ ହୋଇ ଫେରିବା ପରେ

ବିଶ୍ରାମରେ ବ୍ୟାଘାତ ସୃଷ୍ଟି ନକରିବା ପାଇଁ

ଚାହୁଁଥିବା ବୋଉର ଭଲପାଇବା ସହ

କେତେ ସରାଗରେ ପତ୍ନୀ

ରୋଷେଇ କରି ବାଢି ଦେଉଥିବା

ସ୍ୱାଦିଷ୍ଟ ବ୍ୟଞ୍ଜନ ସହ


ମୁଁ କଥା ହେଉଥିଲି

ମୋ ଦ୍ୱାରା ଅଧା ଅଙ୍କା ପେଣ୍ଟିଂ ସହ

ମୋ ଅପେକ୍ଷାରେ ଥିବା

ବହି ଥାକର କେଇଟି ଅପଢ଼ା ବହି ସହ

ପରସ୍ତେ ଧୂଳିର ବୋଝରେ

କୋଣରେ ନିସ୍ତେଜ ପଡିଥିବା

ମାଉଥ ଅର୍ଗାନ ସହ

ଅବସର ପରେ

ସ୍ୱର ଲୟ ପାଶୋରି ସାରିଥିବା

ବୟସ୍କ ହାର୍ମୋନିଅମ ସହ


ମୁଁ କଥା ହେଉଥିଲି

ମୋ ପୁରୁଣା ଆଲବମରେ 

ବନ୍ଦୀ ଥିବା କେଇଟି ସ୍ମୃତିମାନଙ୍କ ସହ

ମୁହଁ ଶୁଖାଇ କୋଣଠେସା ପଡିଥିବା

କଳଙ୍କି ଲଗା ଭଙ୍ଗା ସାଇକେଲ ସହ

ଚମଡା ଖୋଳ ଭିତରେ

ନିଜକୁ ଏକଦମ ଭୁଲିଯାଇଥିବା

ଫିଲିପ୍ସ ରେଡ଼ିଓ ସହ

ମୋତେ ଚେତେଇ ଚେତେଇ

ଥକି ପଡି ବନ୍ଦ ହୋଇଯାଇଥିବା

ବାପାଙ୍କ ପ୍ରଦତ୍ତ ଏଚ.ଏମ.ଟି. ଘଡି ସହ


ମୁଁ କଥା ହେଉଥିଲି

ମୋର ଅନେକ ମଧୁର ସ୍ମୃତିସହ

କେଇଟି ହୃଦୟଥରା ଦୁର୍ଘଟଣା ସହ

ଅପାଶୋରା ଦୁଃଖଦ ମୂହୁର୍ତ୍ତ ସହ

ଆଉ ସମୟ ପାଇଥିଲି

କଥା ହେବାକୁ ମୋ ନିଜ ସହ


ଅଚାନକ ନିଦ ଭାଙ୍ଗିଗଲା 

କାଲି ରାତିର କୋଳାହଳରେ

ସନ୍ତର୍ପଣରେ ଦେଖିଲି

ସେମାନେ ସମସ୍ତେ ଏକାଠି 

ମଉଜ ମଜଲିସରେ ବ୍ୟସ୍ତ ଥିଲେ

ପାର୍ଟି କରୁଥିଲେ

ମୋତେ ଫେରିପାଇବାର ଖୁସିରେ


Rate this content
Log in

More oriya poem from Asutosh Patro

Similar oriya poem from Abstract