ମା ଲକ୍ଷ୍ମୀ

ହଳଦୀ ମୁହିଁ ମାଆ ଲୋ ତୁହିଁ ବୈକୁଣ୍ଠପୁର ବାସିନୀ

ତୋ କରୁଣା ରହୁ ମା' ଲୋ ଏତିକି ମୋ ଗୁହାରି |

ବିଷ୍ଣୁଙ୍କ ଘରଣୀ ତୁମେ ମହାଲକ୍ଷ୍ମୀ ଠାକୁରାଣୀ

ଅର୍ଣ୍ଣପୂର୍ଣ୍ଣା ମାଆ ତୁମେ ଶୁଭ ଫଳ ପ୍ରଦାୟିନୀ |

ଆଦି ଲକ୍ଷ୍ମୀ,ରାଜ ଲକ୍ଷ୍ମୀ, ଐସ୍ବର୍ଯ୍ୟ ର ରାଣୀ 

ଧନ ଲକ୍ଷ୍ମୀ ଧାନ୍ୟ ଲକ୍ଷ୍ମୀ ସନ୍ତାନ ବର ଦାୟିନୀ |

ଶୁଦ୍ଧ ଚିତ୍ତେ ପୂଜା କରି ତୁମ ଦରଶନ ଲଭଇ 

କୋଟି ପୁଣ୍ୟ ଅରଜିଲା ଶ୍ରୀୟା ଚଣ୍ଡାଳୁଣୀ |

ପର୍ଣ୍ଣ କୁଟୀର କୁ କରିଲ ସୁନାର ମହଲ,

ଦାସ ଦାସୀ କେତେ ପୁଣି କୋଳ କୁ କୁମର |

ଅନ୍ତକାଳେ ତୁମ ଧାମେ ରହିବାକୁ ଦେଲ ବର,

ତୁମ ଆଶୀର୍ବାଦ ହସ୍ତ ତା ମାଥେ ରଖିଲ |

ଶୁଣି ସ୍ୱାମୀ ଦେଢଶୁର ଙ୍କ ଅପମାନ ବାଣୀ

ତ୍ୟାଗ କରିଲ ଶ୍ରୀମନ୍ଦିର ତୁମେ ସାଗର ନନ୍ଦିନୀ,।

ଦେଇଗଲ ଅଭିଶାପ ଶ୍ରୀହୀନ ହେବ ମନ୍ଦିର

ବାରବର୍ଷ ଯାଏଁ ନମିଳିବ ଜଳ କି ଆହାର |

ସତ୍ୟ ହୋଇଲା ବଚନ ଶ୍ରୀହୀନ ହେଲା ଶ୍ରୀମନ୍ଦିର

ବାର ଦ୍ୱାର ବୁଲିଲେ ଦୁଇ ଭାଇ ନ ମିଳିଲା ଭୋଜନ |

ସମୟର ଅନ୍ତରାଳେ ସ୍ଵଅପରାଧ ବୁଝି ଦୁଇ ଭାଈ

ଧାଇଁ ଗଲେ ଲକ୍ଷ୍ମୀଙ୍କ ପାଶ ପ୍ରାୟଶ୍ଚିତ ପାଇଁ  ।

ଶ୍ରୀମନ୍ଦିର ଫେରିବାକୁ ନିବେଦନ ଯେ କରନ୍ତି

ଏହା ଶୁଣି ମହାଲକ୍ଷ୍ମୀ ବୋଲନ୍ତି ହେ ଦେବ ।

ଶ୍ରୀମନ୍ଦିରେ ଯେବେ ଯାଏଁ ଜାତିଭେଦ ରହିବ

ସେବେ ଯାଏଁ ମୋ ଚରଣ ସେଠାରେ ନପଡିବ।

ଏହାଶୁଣି ଜଗନ୍ନାଥ ଦେଲେ ଯେ ବଚନ

ଆଜିଠୁଁ ଶ୍ରୀମନ୍ଦିରେ ଜାତି ଧର୍ମ ବର୍ଣ୍ଣ ଯେ ନ ରହିବ 

ବ୍ରାହ୍ମଣ ଠୁଁ ଚଣ୍ଡାଳ ଯାଏଁ ସଭିଏଁ ସମାନ ଯେ ହେବ ।

ପ୍ରତିଶୃତି ବାଣୀ ଶୁଣି ମା ଲକ୍ଷ୍ମୀ ହୋଇଲେ ପ୍ରସନ୍ନ 

ମାତା ଅନ୍ନପୂର୍ଣ୍ଣ ରୂପେ ପାଳୁଛନ୍ତି ଏ ସଂସାର,

ତୁମ ଶ୍ରୀଚରଣେ ମୋର ଅନନ୍ତ କୋଟି ପ୍ରଣାମ |