ପ୍ରେମ
ପ୍ରେମ
ପ୍ରେମ ସିନା ଅଟେ ଅଢେଇ ଅକ୍ଷର
ଜଗତ ଦେଇଛି ବାନ୍ଧି
ବିନା ପ୍ରେମେ ବୃକ୍ଷୁ ପତ୍ର ବି ନହଲେ
ଏତସଂସାରର ଵିଧି l
ନୃତ୍ୟେ କାର ପ୍ରେମ କବିତାରେ ପ୍ରେମ
ବାଦ୍ୟରେ କାହାର ପ୍ରେମ
ପଢିବା ଲେଖିବା କିବା ନେତା ହେବା
ସବୁର ମୂଳରେ ପ୍ରେମ l
ମାଧ୍ୟାକର୍ଷଣର ଶକ୍ତି ପୃଥିବୀକୁ
ପ୍ରେମରେ ରଖିଛି ଧରି
ଶୂନ୍ୟରେ ଝୁଲଇ ନଦୀ ଓ ସାଗର
ପାହାଡ଼ ତ ଆଦି କରି l
ମାତା ପୁତ୍ର କନ୍ୟା ପ୍ରେମ ତ ନିଆରା
ପତି ପ୍ରେମ ତ ନିଆରା
ସିନ୍ଦୁରର ପ୍ରେମ ଆଗେ ସବୁ ଫିକା ପଡିଯାଏ ଏହି ଧରା l
ରାଧାକୃଷ୍ଣ ପ୍ରେମ ସବୁଠୁ ଉନ୍ନତ
ସବୁ ଶରୀର ରେ ଅଛି
ନିଶ୍ୱାସ ପ୍ରଶ୍ୱାସ ପ୍ରେମରେ ଶରୀର
ଯାତାୟାତ କରୁଅଛି l
ବହୁଦୂରେ ସୂର୍ଯ୍ୟ ପଦ୍ମଙ୍କ ମିଳନ
ଚନ୍ଦ୍ରମା ମିଳନ କଇଁ
କେଦାର ଗଉରୀ ନଳ ଦମୟନ୍ତୀ
ସବୁ ପୁରାଣ କହଇ l
ସେ ପ୍ରେମ ଦିବସ ଆଜି ପଡ଼ିଅଛି
ସାଦରେ ପାଳିବା ଆସ
ପ୍ରେମ ବିନା ନାହିଁ ଇଶ୍ୱରଙ୍କ ସୃଷ୍ଟି
ଇଶ୍ୱର ପ୍ରେମରେ ଵଶ l
ପ୍ରେମେ ମାହେଶ୍ୱରୀ କୋଳେ ବସିଛନ୍ତି
ସଦା ମହେଶ୍ୱରଙ୍କର
ସେ ପ୍ରେମକୁ କୁଛ୍ର ରୂପ ଦିଅ ନାହିଁ
ହେ ଭାଇ ଭଉଣୀ ମୋର l
ଯହିଁ ଥାଉ ଯିଏ ସଚ୍ଚା ପ୍ରେମ କର
ଅନ୍ତରରେ ଥାଉ ଭାବ
ଅନ୍ତର ର ଭାବ ଜାଣେ ଅନ୍ତର୍ଜାମୀ
କେବେ ନିରାଶ ନହେବ
ଗୋଲାପ ଦିବସେ ଗୋଲାପୀ ପ୍ରେମକୁ
ନଷ୍ଟ କରିଦିଅ ନାହିଁ
ଅଜର ଅମର ପ୍ରେମକୁ ପ୍ରେମରେ
ବାନ୍ଧିରଖ ମୋର ଭାଇ ।