ଲଙ୍କା ଦହନ
ଲଙ୍କା ଦହନ
ବୀର ଇନ୍ଦ୍ରଜିତ ଧନୁର୍ଦ୍ଧର ସେତ ହନୁଙ୍କୁ କରି ବନ୍ଧନ
ରାଜ ଦରବାରେ ଉପସ୍ଥିତ କରେ ବିଚାର ପାଇଁ ରାଜନ
ଗର୍ବେ ଗର୍ବିତ ଯେ ଜୟ ଜୟ ମେଘନାଦ
କରନ୍ତି ସ୍ଵାଗତେ ବିଭୋର ଆନନ୍ଦେ ସ୍ଲୋଗାନରେ ଇନ୍ଦ୍ରଜିତ l
ଅସ୍ଥିର ମନରେ କଉତୁକ ଭରେ ଦେଖେ ହନୁ ସିଂହାସନ
ରାଜା ପାତ୍ର ମନ୍ତ୍ରୀ ପାରିଷଦ ଭର୍ତ୍ତି ଦରବାର ଦଶାନନ
ବିସ୍ମୟେ ହନୁ ଯେ କଳନା କରଇ ମନେ
ଦେବାପାଇଁ ଶିକ୍ଷା ସୁଯୋଗ ଅପେକ୍ଷା ବୁଦ୍ଧିବଳ ଜ୍ଞାନଗୁଣେ ।
ହନୁ ଅପରାଧ ଉଦ୍ୟାନ ବିଧ୍ୱସ୍ତ ମାରିଛି ବହୁ ଅସୁର
ହନୁ ଲାଞ୍ଜେ ନିଆଁ ଦେଖିବ ଦୁନିଆଁ ଦଣ୍ଡ ମିଳେ ଭୟଙ୍କର
ଉତ୍ସାହେ ମାତି ଯେ ଗୁଡ଼ାଇ ବସ୍ତ୍ର ଲାଞ୍ଜରେ
କରନ୍ତି ବିଦ୍ରୁପ ଦେଖାନ୍ତି ପ୍ରକୋପ ଅସୁର ଲଙ୍କା ଦାଣ୍ଡରେ l
ଛିଣ୍ଡାଇ ଶିକୁଳି ହନୁ କ୍ଷିପ୍ରେ ଡେଇଁ ଶ୍ରୀରାମ ତୁଣ୍ଡରେ ଧରି
ଘରେ ଘରେ ନିଆଁ ଜଳିଲା ଶ୍ରୀଲଙ୍କା ଅସହାୟ ହୋଇକରି
ପବନ ବେଗେ ଯେ ଝଲସିଲା ଅଗ୍ନିବାଣ
ସୁବର୍ଣ୍ଣ ପ୍ରଦେଶ ହୋଇଗଲା ଧ୍ବଂସ ନିମିଷକ ମଧ୍ୟେ ଜାଣ l