ଶିବ ପ୍ରାର୍ଥନା
ଶିବ ପ୍ରାର୍ଥନା
ଓଁ ନମଃ ଶିବାୟ ଭଜ ଓଁ ନମଃ ଶିବାୟ
ସତ୍ୟ ଶିବ ସୁନ୍ଦର ହେ ନଗେନ୍ଦ୍ରହାରାୟ
ପ୍ରଭୁ କରୁଣା ସାଗର
ଦୟାକର ଦୀନଜନେ ପୂଜୁଛୁ ପୟର
ପ୍ରଭୁ କରୁଣା ସାଗର l
ଦେଵ ଦେଵ ମହାଦେବ ହେ ଡ଼ମ୍ବୁ୍ରଧର
ଜାଗ୍ରତ କରାଇ ଦିଅ କର୍ତ୍ତବ୍ୟ ମୋହର
ପଭୁ ସତ୍ୟ ସନାତନ
ସତ୍ୟ ପଥେ ଧର୍ମ ପଥେ ସଦା ରହୁ ମନ
ପ୍ରଭୁ ସତ୍ୟ ସନାତନ l
ହଳାହଳ ମହାବିଷ କରିଲ ଭକ୍ଷଣ
ସଂସାର ରଖିଲ ଦେଵ ପାଇଁକି କଲ୍ୟାଣ
ପ୍ରଭୁ ଯେ ନୀଳକଣ୍ଠାୟ
ଜୀବନ ଉତ୍ସର୍ଗ ହେଉ ପରୋପକାରାୟ
ପ୍ରଭୁ ଯେ ନୀଳକଣ୍ଠାୟ l
ମସ୍ତକେ ଚନ୍ଦ୍ରମା ତୁମ ଶ୍ରୀ ଜଳ ଗଙ୍ଗାର
ସଦା ଶାନ୍ତ ତୁମେ ଦେଵ ଯେ ଭୂଧରା ଧର
ପ୍ରଭୁ ଯେ ରୂପ ଭାସ୍କର
ଶୀତଳ ସରଳ ସୌର୍ଯ୍ୟ ହେଉ ବ୍ୟବହାର
ପ୍ରଭୁଯେ ରୂପ ଭାସ୍କର l
ମହାଦେବ ହୋଇ ତୁମେ ଯେ ଶ୍ମଶାନ ପତି
ମହାତ୍ୟାଗୀ ତୁମେ ଶିବ ପାର୍ବତୀଙ୍କ ପତି
ପ୍ରଭୁ ଭସ୍ମାଙ୍ଗ ରାଗାୟ
ସ୍ୱାର୍ଥ ତ୍ୟାଗୀ କର ମୋତେ ହେ ମହେଶ୍ୱରାୟ
ପ୍ରଭୁ ଭସ୍ମାଙ୍ଗ ରା଼ଗାୟ l
ପଞ୍ଚାନନ ତ୍ରିଲୋଚନ ପ୍ରଭୁ ଜଟାଧାରୀ
ମହାତପୀ ମହାଜ୍ଞାନୀ ହେ ସଂହାର କାରୀ
ପ୍ରଭୁ ଦେଵ ଆଶୁତୋଷ
ଅଜ୍ଞାନ ହଟାଅ ମୋର ଦେଇକି ଆଶିଷ
ପ୍ରଭୁ ଦେଵ ଆଶୁତୋଷ l
କି କହି ପୂଜିବି ନାଥ ଜ୍ଞାନ ନାହିଁ ମୋର
ତୋର ନାମ ତୁଣ୍ଡେ ଥାଉ ମାଗୁଣି ମୋହର
ପ୍ରଭୁ ଶିବ ସଦାଶିବ
ସଦ ଜ୍ଞାନ ଦିଅ ଭରି ମଙ୍ଗଳ ହୋଇବ
ପ୍ରଭୁ ଶିବ ସଦାଶିବ l