ଘଟଗାଁ ତାରିଣୀ

ଘଟଗାଁ ର ରାଣୀ ମାଆଲୋ ତାରିଣୀ

କଲ୍ୟାଣ କାରିଣୀ ମାଗୋ ଦୁଃଖ ହାରିଣୀ

ତୁହି ଆଦିମାତା ତୁହି ଦୁର୍ଗାମାତା

ଜଗତ ଜନନୀ ମାତା ଶାନ୍ତି ରୂପିଣୀ l

ଶାଳ ବୃକ୍ଷ ବଣ କଲା ଆକର୍ଷଣ

ପାଷାଣ ରୂପକୁ ଧରି ରହିଲୁ ତୁହି

ଦେବୀ ଚତୁର୍ଭୁଜା ନାମେ ହେଲୁ ପୂଜା

ସନ୍ତାନ ବତ୍ସଳା ଦେବୀ ନାମକୁ ବହି l

ରାଜା ଗଜପତି ଦେଲେଯେ ସ୍ୱୀକୃତି

ଗୋବିନ୍ଦ ତୋଳିଲେ ପୀଠ ଶାଳ ବଣରେ

ସ୍ଥାନ ଘଟଗାଁ ର  ଜିଲ୍ଲା କେନ୍ଦୁଝର

ପ୍ରସିଦ୍ଧ ହୋଇଲା ତାହା ସାରା ଦେଶରେ l

ଚକର ଧାରିଣୀ ତ୍ରିଶୂଳ ଧାରିଣୀ

ଖଡ୍ଗକୁ ଧାରଣ କରୁ ତିନି ହସ୍ତରେ

ଏକ ହସ୍ତ ଶୂନ୍ୟ ରଖିଅଛୁ ଶୂନ୍ୟ

କୋଳେଇ ନେବାକୁ ଭକ୍ତ ପ୍ରେମ ଭକ୍ତିରେ l

ମନ୍ଦାର ମାଳିନୀ ବିଘ୍ନ ବିନାଶିନୀ

ଦୁର୍ଗତି ନାଶିନୀ ଦୁର୍ଗା ଦେବୀ ତାରିଣୀ

ଧରିଦେଲେ ନାମ  ପୂର୍ଣ୍ଣହୁଏ କାମ

ଅଭୟ ଦାୟିନୀ ମାଗୋ ମାତୃ ରୂପିଣୀ l

ଶୁଭା ଶୁଭ କର୍ମେ  ଆପଦ ବିପଦେ

ତୋ ନାମେ ଶ୍ରୀଫଳ ଯାଚି ସ୍ମରଣ କଲେ 

ବିଘ୍ନ ହୁଏ ଦୂର ହୁଅଇ ମଙ୍ଗଳ

ଆଶିଷ ଦିଅଇ ଦେବୀ ସର୍ବ ମଙ୍ଗଳେ l