ମା, ମାଟିର ଆହ୍ୱାନ, ରଖ ମାତୃଭାଷା ସମ୍ମାନ
ମା, ମାଟିର ଆହ୍ୱାନ, ରଖ ମାତୃଭାଷା ସମ୍ମାନ
ମାତୃଭୁ୍ମୀ ଆମ ଭାରତ ବର୍ଷଟି
ସବୁ ଦେଶଠୁ ମହାନ
ଓଡିଶାରେ ଜନ୍ମି ଗର୍ବିତ ମୁହିଁ ଯେ
ସବୁଠାରୁ ଗରୀଆନ l
ମୋଦେଶ ମୋଭାଷା ସୁନ୍ଦର ଲାଳିତ୍ୟ
ଭାଷା କୋଷ ମୋର ଗରୁ
ଏ ଭାଷା ମହତ୍ୱ ଯେ ଜନ ବୁଝଇ
ହାରେନି କେବେ କାଠାରୁ l
ମାମୁଁ ମାଇଁ ଖୁଡି ମାଉସୀ ପିଉସୀ
ବିଭିନ୍ନ ମୋ ସମ୍ବୋଧନ
କିଏ କେଉଁପରି କାହା ପରିଚୟ
ଜାଣେ ମୋର ଅଭିଧାନ l
ଜନମିଛି ମୁହିଁ ଏହlରି କୋଳରେ
ଏ ପାଣି ପବନ ଖାଇ
ୟା ଗହନ ବନ ମନ୍ଦିର ଦର୍ଶନ
ସବୁଠୁ ନିଆରା ହୋଇ l
ଗାଁ ଚାଟଶାଳୀ ଚାଷୀ ଧାନ ବୁହା
ଗାଈ ଗୋଠକୁ ଫିଟିବା
ଟୁପୁରୁ ଟାପୁରୁ କେତେ କଥାବାର୍ତ୍ତା
ସଭିଙ୍କ ମନ ଜିଣିବା l
ଭାରତବର୍ଷକୁ ଇଂରେଜ ଆସିଣ
କିପରି ମନ୍ତ୍ର ଫୁଙ୍କିଲେ
ଓଡିଶା ବାସୀ ମୋ ବାଇ ପ୍ରାୟ ହୋଇ
ଇଂରାଜୀ ଶିକ୍ଷl କଲେ l
ମାଆ ଡାକ ଛାଡି ପିଲାମାନେ ମୋର
ଡାଡି ମମି ଡାକିଲେଣି
ମାଆର କ୍ରନ୍ଦନ ଶୁଭୁନାହିଁ ଆଉ
ମାତୃତ୍ୱ ମଧ୍ଯ ଗଲାଣି l
ମାଆର ପଣତ କାନି ଆଉ ନାହିଁ
ରୁମାଲୁ ଧରା ହେଲାଣି
ବିଦେଶୀ ସଭ୍ୟତା ଧସାଇ ପଶିଛି
କିହେଲା କିହେଲା ପୁଣି l
ମାଆ ମାଟି ଆଜି କରୁଛି ଆହ୍ୱାନ
ଆସ ମୋ ସନ୍ତାନ ଗଣ
ମାତୃଭାଷାର ସମ୍ମାନ ରକ୍ଷା କର
ଉବୁଟୁବୁ ହୁଏ ଜାଣ l
ମାତୃଭାଷା ଦିବସରେ ଆଜି ଆମେ
ଆସ ଶପଥ କରିବା
ମାଆର ସମ୍ମାନ ଭାଷାର ସମ୍ମାନ
ଉଜ୍ଜୀବିତ କରାଇବା l
ଲେଖନୀ ମୁନରେ ଲେଖିଦେଲେ ଖାଲି
ମୋ ଭାଷା ଉଠିବ ନାହିଁ
କର ପ୍ରତିକାର ଆମ ସରକାର
ଭାଷାର ଉନ୍ନତି ପାଇଁ l
ମାତୃଭୁ୍ମୀ ଆଉ ଭାଷାର ମମତା
ଦୁହେଁ ଅଟନ୍ତି ସମାନ
ଆମଦେଶ ବାସୀ ଦେଶରେ ରୁହନ୍ତୁ
ଏହା ମୋହର ଆହ୍ୱାନ l