ପ୍ରେମ ଓ ପ୍ରତାରଣା
ପ୍ରେମ ଓ ପ୍ରତାରଣା
ଦୁଇ ମନ ଦୁଇ ହୃଦୟ ମିଶିଲେ
ସୃଷ୍ଟି ହୋଇଥାଏ ପ୍ରେମ,
ପ୍ରେମ ଦେଖେନାହିଁ ଉଚ୍ଚ ନୀଚ ଭାବ
ପ୍ରେମ ସ୍ୱୟଂ ଭଗବାନ... ll01ll
ପ୍ରେମଟି ଅଟଇ ଦୁଇଟି ଆତ୍ମାର
ମିଳନ ସମ୍ପର୍କ ସୂତା,
ପ୍ରେମ ଅଟେ ଅନୁଭବ ଅନୁଭୂତି
ପ୍ରେମଟି ଅକୁହା କଥା...ll02ll
ପ୍ରେମ ବୋଲି ଯେଉଁ ଦୁଇଟି ଅକ୍ଷର
ନାହିଁ ତା'ର ସୀମାରେଖା,
ନାହିଁ ତ ନିର୍ଦ୍ଧିଷ୍ଟ ସଂଜ୍ଞା ସେ ପ୍ରେମର
ପ୍ରେମ ବିଶ୍ୱାସ ଭରସା... ll03ll
ପ୍ରେମ ଭାବି ଚିନ୍ତି କରେନାହିଁ କେହି
ଆପେ ଆପେ ହୋଇଯାଏ,
ଜାତି ଧର୍ମ ବଡ଼ ସାନ ମାନେ ନାହିଁ
ହୃଦୟକୁ ଛୁଇଁଯାଏ... ll04ll
ଏମିତି କେ ଅଛି ଦୁନିଆରେ ଜଣେ
ପ୍ରେମ ଜମା କରିନାହିଁ,
ପ୍ରେମକୁ ହୃଦରେ ଏମିତି କେ ନାହିଁ
ବାନ୍ଧି ରଖି ପାରିନାହିଁ... ll05ll
ପ୍ରେମଟି ଶାଶ୍ୱତ ପ୍ରେମଟି ଅମୃତ
ପ୍ରେମ ଚିରନ୍ତନ ସତ୍ୟ,
ପ୍ରେମ ଶିବ ପୁଣି ପ୍ରେମଟି ସୁନ୍ଦର
ପ୍ରେମ ଅଟେ ସାରସ୍ୱତ... ll06ll
ପ୍ରେମ ହିଁ ଶାଶ୍ଵତ ପ୍ରେମ ନିତ୍ୟ ସତ୍ୟ
ପ୍ରେମ ଅମର ସଂଗୀତ,
ପ୍ରେମ ହିଁ ତ ଆତ୍ମା ପ୍ରେମ ପରମାତ୍ମା
ପ୍ରେମେଝରେ ମକରନ୍ଦ... ll07ll
ବିଶ୍ୱାସ ଭରସା ତ୍ୟାଗ ପ୍ରେମ ନିଷ୍ଠା
ପୁରିଛି ହୃଦେ ଯାହାର,
ପ୍ରତାରଣା ନୁହେଁ କାଳ କାଳ ପାଇଁ
ପ୍ରେମ ଯେ ଚିର ଅମର... ll08ll