ପ୍ରେମ ଉପହାର

ପ୍ରେମିକା ମୋର କଣ୍ଢେଇ ବୋଲି

    ଦେଲି କଣ୍ଢେଇ ଉପହାର,

ସେ ଉପହାର ଦେଖି ଶୁଖିଗଲା

    ସୁନାନାକି ମୁହଁଟି ତା'ର।

ଭାବିଥିଲା ସିଏ ଦେବି ମୁହିଁ

    ସୁନା ଆଉ ରୁପାକୁ,

ହେଲେ ଜାଣିନାହିଁ ମୁହିଁ

    ଭଲପାଏ ତା' ସୁନା ମନକୁ।

କେତେ ଶରଧାରେ ଉପହାର

    ଦେଇଥିଲି ତାକୁ ନେଇ,

କିଏ ଜାଣିଥିଲା ସେ ମୋତେ 

    ଜମା ଭଲପାଏ ନାହିଁ।

ଏଡ଼େ ସ୍ୱାର୍ଥପର ସେ ଧନ ଲୋଭୀ,

   ବଡ଼ଘର ପୁଅକୁ ଫସାଏ ଦେଖି।

ତା'ର ମିଠା କଥାରେ ହଜି ଯାଇଥିଲି,

  ମୋର ମନ ସେ ଭାଙ୍ଗି ଦେବ ଜାଣିନଥିଲି।

ମୋ ପ୍ରେମ କାହାଣୀ ଅଧା ହୋଇ ରହିଲା,

  ପ୍ରିୟାକୁ ଉପହାର ଦେବା ବ୍ୟର୍ଥ ମୋ ହୋଇଲା।