ପ୍ରେମ ଓ ବିଚ୍ଛେଦ
ପ୍ରେମ ଓ ବିଚ୍ଛେଦ
ପ୍ରେମ ଅର୍ଥ ଅଟେ ଏକ ସ୍ନେହ ର ବନ୍ଧନ
ବୃଦ୍ଧି ପାଏ ଯହିଁ ନିତି ସୌହାର୍ଦ୍ଦ୍ୟ ରେ ପୂର୍ଣ୍ଣ ।
ସ୍ପନ୍ଦନ , ଆହ୍ବାନ , ପୁଲକ ଓ ଅନୁଭବ
ବରଷି ଯୋଗାଏ ପ୍ରାଣେ ଆଦର ସଦ୍ଭାବ ।
ହୃଦୟେ ଯୋଗାଇ ଦିଏ ଶାନ୍ତିର ସୁରଭି
ଅନ୍ତରେ ଯୋଗାଇ ଥାଏ ଅମନ୍ଦ ପୁରବୀ ।
ତୋଳେ ତାଳେ ତାଳେ ପ୍ରୀତି ସ୍ରୋତ ଅନୁରାଗ
ଦୁର୍ଯୋଗ ବଶତଃ କେବେ ହୋଇଲେ ବିଚ୍ଛେଦ ।
ମିଳନ ର ମାଧୁର୍ଯ୍ୟକୁ ଉପଭୋଗ କରି
ପ୍ରେମିକ ପ୍ରେମିକା ଥାନ୍ତି ଆନନ୍ଦେ ଉଚ୍ଛୁଳି ।
ଆଜି କାଲି ସବୁ ଠାରେ ପ୍ରେମ ରେ ବିଚ୍ଛେଦ
ବିରହ ଜ୍ୱାଳାରେ ନିତି ଦାହ କରେ ହୃଦ ।
ଦୁର୍ବାର ଆଘାତ ଭାଙ୍ଗେ ପ୍ରେମ , ଶ୍ରଦ୍ଧା ପ୍ରୀତି
ପ୍ରଣୟ କାହାଣୀ ର ଏ ସମ୍ପ୍ରତି ପ୍ରକୃତି ।
ସାମାଜିକ ଜୀବନ ରେ ଆଜି ବହୁ ବିଦ୍ଧ
ବିକ୍ଷିପ୍ତ ଚେତନା ଚିନ୍ତା ଧାରା ରୁ ବିଶୁଦ୍ଧ ।
ପ୍ରେମ ଅର୍ଥ ଆଜି ହୋଇ ଚାଲଇ ବିଚ୍ଛେଦ
ବିରହ ବ୍ୟଥାରେ ଦଗ୍ଧ କରେ ପ୍ରତି ହୃଦ ।