ପ୍ରେମ ଦିବସର ହସ
ପ୍ରେମ ଦିବସର ହସ
ପ୍ରେମ ସମ୍ଭାବନା ବିଶ୍ଵାସର ବସା
ଭାବନା ସଂଲଗ୍ନ ଭାବ ,
ଦୁଇଟି ମନର ଦୁଇଟି ଆତ୍ମାର
ମହା ମିଳନର ପର୍ବ
ପ୍ରେମ ଉପଜୀବ୍ୟ ପ୍ରେମ ଉପଭୋଗ୍ୟ
ସମର୍ପଣ ଆଧାର'ରେ
ପ୍ରେମ ହସ ଫୁଲ ଅମୂଲ ତା' ମୂଲ
ସ୍ନେହଁ ପୁର୍ଣ୍ଣ ସୌହାର୍ଦ୍ଧ୍ୟରେ
ଆତ୍ମା ପାରିତୋଷ ଆଭାଷ ବିଭାସ
ସୁକଲ୍ଯାଣେ ପ୍ରେମୀହସେ ,
ସମ୍ମତି ସ୍ଵୀକୃତି ପ୍ରେମର ଆଦୃତି
ଆଳାପେ ବିଳାପେ ଭାସେ
ଦେହାତୀତ ସୁଖ ସିନ୍ଦୁର'ର ମିତ
ପବିତ୍ରତା ବନ୍ଧନରେ ,
ପ୍ରକ୍ରିୟା ପ୍ରୀତି କଳଙ୍କିତ ଛବି
ସମାଜିକ ନିଷ୍ପତିରେ
ପ୍ରେମ ଫୁଲ ବାସୁ ବାସତା' ଚହଟୁ
ହେ'ପ୍ରେମୀ ସମାଜ ବନ୍ଧୁ ,
ଦେହସୁଖ ଲାଭ ନୁହେଁ ପ୍ରେମ ଭାବ
ସମ୍ପର୍କେ ହସୁଛି ସିନ୍ଧୁ
ପ୍ରେମିକା ନାୟିକା ସ୍ମୃତି ଅନାମିକା
ପାଳୁଛି ପ୍ରେମ ଦିବସ ,
ମନ୍ଦିର ବେଢାରେ ଘୃତବତୀ ଜାଳି
ଶୁଭ ମନାସୁଛି ସତ
ମନ ହୃଦୟର ପବିତ୍ର ମିଳନ
ସଂଗଠିତ ହେଵ କେବେ ,
ଆସିବକି ପ୍ରେମୀ ସତେ ହସିହସି
ନେଇଯିବ ମହା ଭାବେ
ପାରୋ ଦେବଦାସ ପ୍ରେମର ପ୍ରତୀକ
ସର୍ବଶ୍ରେଷ୍ଠ ପ୍ରେମପ୍ରେମୀ ,
ଆଦର୍ଶ ପ୍ରେମର ଜ୍ଜ୍ଵଳନ୍ତ ପ୍ରମାଣ
ଇତିହାସ ମୁକସାକ୍ଷି
ଲୈଲା ମଜୁମ ପ୍ରେମର କୁସୁମ
ପ୍ରେମର ବାରିଧି ଧାରା ,
ସ୍ଵର୍ଗୀୟ ପ୍ରେମର ଉଥାଳ ତରଙ୍ଗ
ଆଜିବି ଖୋଜୁଛି ଧରା
ବିଦେଶ ମାଟିର ଭାଲେଣ୍ଟାଇନ ପ୍ରେମ
ଉଜ୍ଜୀବିତ ହୋଇ ଉଠେ ,
ପ୍ରେମ ସମର୍ପଣ କେତେଯେ ବଳିଷ୍ଠ
ବିଶ୍ଵ ବ୍ରହ୍ମାଣ୍ଡ ଖୋଜେ
ପ୍ରେମ ପାଇଁ ତ୍ୟାଗ ପ୍ରେମ ପାଇଁ ହସ
ସମର୍ପଣେ ରଖଚିତ୍ତ ,
ହସିବ ପ୍ରେମିକା ସୃଷ୍ଟି ସଞ୍ଚାରିକା
ବଢିବ ମାନ ମହତ୍ତ
ପ୍ରେମ ଦିବସର କବିତାଟି ମୋର
ଜନାଦୃତ ହେଉ ଭାଇ ,
ପ୍ରେମୀକ ପ୍ରେମିକା ପଢନ୍ତୁ କବିତା
ସ୍ମୃତିକୁ ମନେ ପକାଇ