ଶୁଣିବ ଯଦି ସହୀ ଗୋ ମୋର ! ....

ସହୀ, କହିବ କି

ମୋତେ ଶୃଖଂଳ ମୁକ୍ତ

କରିବ କେବେ ?

କେବେ ମୋ ସ୍ୱପ୍ନରେ

ମୋତେ ଆକୁଳ କରିବ

ତମ ଦେହ ଉପବନ ଗନ୍ଧେ ?

ତମେ ଜାଣ ସହୀ

ଅଶାନ୍ତ ମୁଁ ନିତି

ଖୋଜୁଅଛି ତମ ତନୁ ପରଶ

ଜାଣନା କି ତମେ

ମୋର ସ୍ୱର୍ଗସୁଖ

ତମ ଅପଘନ ମଧୁ

ତମ ଜବାଓଠ ମଧୁ ରସ l

ଏଇ ଜୀବନ ବିତାନେ

ତମେ ସହୀ ମୋର

ପ୍ରେମିକା ରଜନୀ ଗନ୍ଧା 

ଅମା ଅଂଧାରରେ 

ମୋ ଅଂକ ପଲଂକେ

ମୋ ମନ ବୃନ୍ଦାବନ ରାଧା l

ଆକୁଳ ପ୍ରେମିକ ମୁଁ ସହୀ

ଲୋଡୁଛି ଆକୁଳେ 

ତମ ମୁକୁଳା ତନୁର ସୁଧା

ସେଇ ସୁଧା ପିଇ

ସେଇ ରସେ ଭିଜ୍ଜି

ଲିଭାଇବି କାମସୁଧା l