ଆଗୋ ମଦାଳସା, ଶୁଣୁଛତ !

ଆଗୋ ମଦାଳସା,

କଣ କିଛି କହୁଛକି?

ଅଧା ମୁକୁଳିତ ଓଠରୁ ତମର 

କିଛି ମଧୁ ଝର ଝରାଇବକି ?

ଆଗୋ ମଦାଳସା,

ତମ ମୃଣାଳ ବାହୁ ଚାହୁଁଛିକି ?

ଭିଡି ଧରିବାକୁ ଶ୍ୟାମନାଗରକୁ 

ଦୂରେ ଯିଏ ଘୁଞ୍ଚି ଯାଉଛିକି ?

ଆଗୋ ମଦାଳସା,

କାହାକୁ ଖୋଜୁଛ କହିବକି ?

ତମ କଳା ଆଖି ତୁଠରେ କା' ର 

କଳା ରୂପଶୀରି ଖେଳୁଛିକି ?

ଆଗୋ ମଦାଳସା,

ତମ ଦେହ ଦେଉଳର ହଳଦୀ ବସନେ 

କାହାର ଠିକଣା ଲୁଚାଇଛକି ?

ନା, ମୁଁ ଦେଖୁଛି ଲେଖା ଅଛି ତହିଁ 

ମୋ ନାଁ, ମୋ ଗାଁ, ମୋ ପ୍ରେମ କାହାଣୀ 

ଆଗୋ ମଦାଳସା, ପଢିବ. ।