ପ୍ରେମ୍ ଦିୱାନା

ମୁହୁଁକେ ସୁନ୍ଦର୍ କଜଲ୍ ଟିକା

       ବାଲ୍ କେ ସୁନ୍ଦର୍ ଗଜରା

ଦେଖ୍ ଲା ଦିନୁ ମନ୍ କରିଛେଁ

      ମୁଇଁ ବଉଦିଆ ଧଙ୍ଗ୍ ରା ।।

ହସିଁ ହସିଁ କରି କହେଲେ କଥା

     ଦିଲ୍ ହେସି ମୋର୍ ପାଗଲ୍

ମୋର୍ ଯଦିତୁଇ ହେତୁ ବଏଲେ ଘିନି        

  ଦେତିଁ ତୋତେ ଗୁଡର୍ ପାଞ୍ଜଲ୍।।

କେନ୍ ବିଧାତା ଗଢିଛେ ତୋତେ

         ଏଡ୍ କି ସୁନ୍ଦର୍ କରି

ମୁଡର୍ ବାଲ୍ କେ କଲର୍ କରି

      ବୁଢାବି ପଡୁଛେ କିନ୍ଦିରି ।।

ସୁନ୍ଦ୍ ରି ବୋଲି ଭାଉ ଖାଉଛ

      ଆମ୍ କୁ ଦେଉଛ ପାସ୍ ରି

ଧନି ପିଲାକେ ମନ୍ କରୁଛ

      କରୁଛେ ବୋଲି ଚାକିରି ।।

ହେଲେ ନାଇଁଜାନି ତୁମେ ଭାବର 

      ବନ୍ଧନ୍ ଯାଉଛ ତୁମେ ରସି

କଅଁଲି ମନ୍ କେ ଚୁମି ଦେବା ବାବୁ

       କାନ୍ଦୁଥିବ ତୁମେ ବସି ।।

ହେତ୍ କି ବେଲାକେ ମନେ ପକାବ

         ଇ ଗରିବ୍ କେ ବେସି

ତଥାପି ତୋତେ ମୁଇଁ ଚାହୁଁ ଥିମି

      ଦେଖ୍ ଲେ ଦେମି ହଁସି ।।