ମୁନୁଷ୍ ଜୀବନ୍

ଦୁନିଆଁ ଟା ଗୁଟେ ରଙ୍ଗ୍ ମଞ୍ଚ୍ ଭାଇ

    ସଭେ ଆମେ ଇନେ କଲାକାର୍

ଅଭିନୟ ଆମର୍ ସର୍ ଲା ପରେ

ମସାନ୍ ଘାଟ୍ ଥି ହେମା ପୁଡାଖାର୍ ।

ଇ ଦୁଇ ଆଙ୍ଗୁଲିଆ ପେଟ୍ ଲାଗି ଭାଇ

      କେତେଯେ ନାଟ୍ କାହାର୍

କିଏ ଖାଉଛେ ମାଗି ଜାଚି ଇନେ 

କରୁଛେ କିଏ ଚାକିରିଆରୁ ବେପାର୍।

ଉପର୍ ବାଲା ଗଢି ଦେଇଛେ

         ମୁନୁଷ୍ ଜୀବନ୍ ଦେଇ

ଭଲ୍ କାମ୍ କିଛି କର୍ ମା ବଏଲେ

  ଆମର୍ ନାଁ ଯିବା ସତେ ରହି ।

ଶପଥ୍ ନେମା ଆମେରେ ଭାଇ

      ଗଛ୍ ଗୁଟେ ଗୁଟେ ଲଗାମା

ଅମ୍ଲଜାନ୍ ଅଭାବ୍ ନେଇଁ ରହେ ଆରୁ

  ସୁଖେ ଜୀବନ୍ ଡଙ୍ଗା ବାହେମା ।