Aishwarya Mishra

Tragedy


3  

Aishwarya Mishra

Tragedy


ପ୍ରେମ ବର୍ଷା

ପ୍ରେମ ବର୍ଷା

1 min 351 1 min 351

ପ୍ରୀତିର ଜୁଇରେ ଅଗ୍ନି ସଞ୍ଜୋଗ ପୂର୍ବକ

ସବୁ ଭାବନାର ଶବ ଦାହ କରନ୍ତେ

ଆରମ୍ଭ ହୋଇଗଲା 

ପୁଣି କିଛି ପ୍ରେମ ବର୍ଷା ;


ଅର୍ଦ୍ଧ-ଦଗ୍ଧ ଶବଟି ବି ଏବେ

ସଂଶୟ ମଧ୍ୟରେ 

ବର୍ଷାର ସ୍ପର୍ଶ ପାଇ 

ଯଦି ଲଭେ ପୁନଃଜୀବନ 

ତେବେ କ'ଣ କରିବ ସେ !!


ଏତେ କଷ୍ଟରେ ତ ତୁଟିଥିଲା

ପ୍ରେମ ଉପରୁ ବିଶ୍ଵାସ ,

ଉର୍ବର ମାଟି ଯେ କେତେ ପରିଶ୍ରମ ପରେ

ପରିଣତ ହୋଇଥିଲା

ବନ୍ଧ୍ୟା ଜମିରେ

ସେ କଥା କ'ଣ କିଏ ବୁଝିପାରିବ !


ଚଳଚଞ୍ଚଳା ପାହାଡ଼ୀ ଝରଣାରୁ

ନିଶ୍ଚଳ ପୋଖରୀରେ ରୂପାନ୍ତରଣ 

କ'ଣ ସହଜ କଥା !

ଭୁଲିବାକୁ ହୁଏ କେତେ 

ଚଞ୍ଚଳା ଚପଳାମୀ ,,,


ଏତେ ସବୁ ତ୍ୟାଗ ପରେ 

ନିଜ ଭିତରେ ଅଳ୍ପ ଅଳ୍ପ କରି ମରୁଥିବା

ସ୍ଵକୀୟ ଭାବନାସବୁକୁ

ଏକା ସାଙ୍ଗରେ ଦାହ କରିବା ସମୟେ

ଏପରି ନିଆରା ବର୍ଷାର ଅଭିପ୍ରାୟ

କ'ଣ ବା ହୋଇପାରେ !


କେମିତି ବୁଝାଇବି ବର୍ଷାକୁ

ଭିଜିବା ପାଇଁ ଏବେ ଶକ୍ତି ନାହିଁ

ବଞ୍ଚିବାର ଆଶା ମନରେ ପୋଷି

ପୁନଶ୍ଚ ମୃତ୍ୟୁର କାମନା କରିବା ଯେ,

ଅତ୍ୟନ୍ତ କଷ୍ଟଲବ୍ଧ ବ୍ୟାପାର !


କେତେ ନଛୋଡବନ୍ଧା ଏଇ ବର୍ଷା ଯେ,

ମୋତେ ଜୀବନ୍ୟାସ ଦେବା ପାଇଁ 

ସତେ କରିଛି ପ୍ରତିଜ୍ଞା

କେତେ ଆଉ ଦୂରେଇବି ତା'କୁ 

କେତେ ବା ବଞ୍ଚାଇବି ନିଜକୁ ,

ସବୁ ଚେଷ୍ଟା ଆଜି ନିଷ୍ଫଳ ଯେ !!!


ତଥାପି ;


ମନ ଭିତରେ ଅନେକ

ଅସମାହିତ ପ୍ରଶ୍ନ 

ଏଇ ପ୍ରେମବର୍ଷା ପୁଣି ଥରେ

ଆଣି ଦେବନି ତ 

ସୁକୋମଳ ଆଖିରେ ଅଶ୍ରୁର ପ୍ଲାବନ !!!


Rate this content
Log in

More oriya poem from Aishwarya Mishra

Similar oriya poem from Tragedy