ଅଦେଖା ହାତ
ଅଦେଖା ହାତ
ହାତରୁ ମୋହର ଚାଲିଗଲା ଶଙ୍ଖା
ମଥାରୁ ଲିଭିଗଲା ସିନ୍ଦୁର
ତୁମେ ଚାଲିଗଲ ଅଫେରା ଦେଶକୁ
ମୋତେ କରି ଦେଇ ପର ।
ହାତ ଧରି ଆମେ ଶପଥ କରିଲେ
ଛାଡିବାନି କେବେ ହାତ
ଏ ହାତ ଦିନେ ଛାଡି ଚାଲିଗଲା
ମୋତେ କରିଦେଇ ଏକା ।
ତୁମ ନୟନରୁ ଝରିଲେ ଲୋତକ
ଭାବେ ମୁଁ ରକତ ଧାର
ସୁକୁମାର ଦେଳେ କଣ୍ଟକ ଲାଗିଲେ
ଦେହ ମୋ ଲାଗଇ ତୀବ ।
ମନର କଥା ମୁଁ ମନରେ ମାରୁଛି
ତୁମରି ବିହୁନେ ଲୋତକ ଝରୁଛି
ଚାହିଁ ଚାହିଁ ଦିନ ବାର
ଅର୍ଦ୍ଧାଙ୍ଗିନି ବୋଲି ପାଅ ଯଦି ତୁମେ
ନେଇ ଯାଅ ତୁମେ ମୋତେ
ତୁମରି ସାଥିରେ ସଦା ମୁଁ ରହିବି
ଦିଅ ନାହିଁ ଦୂରେ ଠେଲି ।
ତାରକା ମେଳରେ କେଉଁଠି ଲୁଚିଲ
ଖୋଜିତ ପାରଇ ନାହିଁ
ହସର ମୁହଁରେ ଦୁଃଖ ଦେଇଗଲ
ଭୁଲିକି ପାରିବି ମୁହିଁ ।
ନୟନର ଲୁହ ଓଠରେ ପିଇ
ଚାହିଁଛି ସଂସାର ମୁହଁ
ସୁଖର ସାଥି ହଜିଗଲା ଆଜି
ନନକୁ ମୁଁ କରେ ଆଜି ପଥର ।