Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Binodini Dash

Inspirational

4  

Binodini Dash

Inspirational

ପ୍ରେମ ବଞ୍ଚିବାର ଏକ କଳା

ପ୍ରେମ ବଞ୍ଚିବାର ଏକ କଳା

1 min
266



ଜୀବନ ଯମୁନା ତୋଳଇ ମୂର୍ଚ୍ଛନା

ପ୍ରେମ-ତରଙ୍ଗରେ ହେଲେ ପଖାଳି

ମାଦକତା ଭରା ପ୍ରୀତିର କଲ୍ଲୋଳେ

ହିଲ୍ଲୋଳିତ ପ୍ରାଣ ପଡେ ଉଛୁଳି ।


ଥିଲେ ପବିତ୍ରତା ଜୀବନର ସତ୍ତା

ଅନୁଭବୀ ପାଇଁ ଅମୃତମୟ

ମିଳେ ସେଥୁ ଯେଉଁ ଅପୂର୍ବ ମହକ 

ଜୀବନକୁ କରେ ମଧୁରମୟ ।


ଧୈର୍ଯ୍ୟ ସଞ୍ଜମତା ଗୁଣେ ନିପୁଣତା

ଶୃଙ୍ଖଳା ସଂସ୍କାର ଆତ୍ମୀୟ ଭାବ

ନିନାଦିତ ହୋଇ ହୃଦୟେ ହୃଦୟେ

ଖୁସିରେ ଚାଲଇ ସଂସାର ନାବ ।


ସମ୍ପର୍କ ସେଠାରେ ନୀତି ଆଦର୍ଶରେ

ନିବିଡ଼ ବନ୍ଧନେ ରହେ ଜାଗ୍ରତ

ବଞ୍ଚିବାର ରାହା କି ସୁନ୍ଦର ଆହା

ରହନ୍ତି ସରବେ ଅବିଚଳିତ ।


ପ୍ରେମକଳା ବିନା ମନର ଭାବନା

ହୁଅଇ କି କେବେ ସୁନ୍ଦରମୟ

ରୂପ ବି ତାହାର ନେତ୍ରରେ କାହାର

ନ ଦିଶଇ କେବେ ବି କମନୀୟ ।


ପ୍ରେମ ପରା ବଞ୍ଚିବାର ଏକ କଳା

ତ୍ୟାଗ ସହିଷ୍ଣୁତା ଭିତ୍ତିଭୂମିରେ

ଦୃଢ଼ କରି ହିଆ ଦୃଢ଼ ଭାବେ ଠିଆ 

ଝଲସି ଉଠେ ନିରୁତାପଣରେ ।




Rate this content
Log in