ପରାକ୍ରମର ଅନ୍ୟନାମ ନେତାଜୀ ସୁଭାଷ

ଧନ୍ୟ ଆହେ ଉତ୍କଳମାତାର ଯୋଗ୍ୟତମ ସୂତ

ବୀରତ୍ୱ ପରାକ୍ରମର ତୁମେ ରୂପ ମୂର୍ତ୍ତିମନ୍ତ

ସ୍ଵରାଜପଥେ ଦେଶବାସୀଙ୍କୁ କରି ଏକତ୍ରିତ

ମାତୃଭୂମି ସେବା ନିଶାରେ କରିଲ ପ୍ଳାବିତ ।

ଉଚ୍ଚଉଚ୍ଚ ପଦବୀକୁ କରି ପ୍ରତ୍ୟାଖ୍ୟାନ

ଦେଶ ସେବା ନିମନ୍ତେ ଉତ୍ସର୍ଗିଲ ଜୀବନ

ସ୍ୱାଭିମାନ ରକ୍ଷା ପାଇଁ କରି ଶତସିଂହର ଗର୍ଜନ

ସ୍ଵାଧୀନତା ନବସୂର୍ଯ୍ୟର ଗଢିଲ ସୋପାନ ।

ଦିଲ୍ଲୀ ଚଲୋ ଡାକରା ଦେଲ ହେ ମାତୃଭକ୍ତ 

ଶତ୍ରୁର ଶତୃ ମିତ୍ର ନୀତିରେ କରିଲ ଦୀକ୍ଷିତ 

ଶିଖାଇଲ ରକ୍ତ ବଦଳରେ ସ୍ଵରାଜର ମନ୍ତ୍ର 

ମୁକ୍ତି ସଂଗ୍ରାମର ଉନ୍ମାଦନା ହୋଇଲା ଜାଗ୍ରତ ।

ଜାଗିଲା ସୁପ୍ତ ଭାରତୀୟଙ୍କ ଶିଥିଳ ଧମନୀ

ତେଜିଲା ଆଜାଦ ହିନ୍ଦ ଫୌଜରେ ମୁକ୍ତିର ବହ୍ନି ।

ମିତ୍ରଶକ୍ତି ସହ ବଢାଇଲ ବନ୍ଧୁତ୍ୱର ହାତ

ହିଟଲର ମଧ୍ୟ ଶ୍ରଦ୍ଧାରେ କଲେ ମଥାନତ

ଫିରିଙ୍ଗି ସେନା ଭୟରେ ହେଲେ ଆତଙ୍କିତ

ବ୍ରିଟିଶ ସରକାରଙ୍କ ଯୋଜନା ହେଲା ପ୍ରତିହତ ।

ସର୍ବଶ୍ରେଷ୍ଠ ନେତା ତୁମେ ଭାରତ ମାତାର

ନେତାଜୀ ଉପାଧି ତୁମକୁ ଦେଲେ ହିଟଲର

ଦେଶବାସୀଙ୍କ ହୃଦୟରେ ତୁମେ ରହିଛ ଅମର

ଜନ୍ମର ଦିନ ଜଣା ସଭିଙ୍କୁ କିନ୍ତୁ ନାହିଁ ମୃତ୍ୟୁର ।

ସୁଦୂର ଜାପାନସ୍ଥିତ ରେଙ୍କୋଜୀ ମନ୍ଦିର

 ସାଇତି ରଖିଛି ଅସ୍ଥି ମହାନାୟକଙ୍କର

ନେତାଜୀ ସଂଗ୍ରହାଳୟ ଜନ୍ମସ୍ଥାନ କଟକର

ଗାଉଛି ଅମଳିନ ସ୍ମୃତି ମହାନ୍ ବୀରତ୍ୱର ।

ସୁଦୂର ଜାପାନସ୍ଥିତ ରେଙ୍କୋଜୀ ମନ୍ଦିର

ମହାନାୟକଙ୍କ ଅସ୍ଥି ରଖିଛି ସାଇତି

ଜନ୍ମସ୍ଥାନ କଟକ ନେତାଜୀ ସଂଗ୍ରହାଳୟ

ଗାଉଛି ମହାନ୍ ବୀରତ୍ୱର ଅମଳିନ ସ୍ମୃତି ।

ସୁଦୂର ଜାପାନସ୍ଥିତ ରେଙ୍କୋଜୀ ମନ୍ଦିରରେ

ରଖିଛି ସାଇତି ବୀର ଅସ୍ଥି ଅତି ଯତନରେ

ନେତାଜୀ ଜନ୍ମସ୍ଥାନ କଟକ ସଂଗ୍ରହାଳୟରେ

ଗାଏ ବୀରତ୍ୱର ଅମଳିନ ସ୍ମୃତି ଅତି ଆନନ୍ଦରେ ।

ପରାକ୍ରମର ଅନ୍ୟନାମ ନେତାଜୀ ସୁଭାଷ

ଜନ୍ମବାର୍ଷିକୀରେ ପାଳିତ ପରାକ୍ରମ ଦିବସ

ଧନ୍ୟ ମୋ କଟକ ଧନ୍ୟ ମୋ ଉତ୍କଳ ଭୂଇଁ

ଗର୍ବିତ ଧରିତ୍ରୀ ମାତା ତୁମକୁ କୋଳରେ ପାଇ ।