ସ୍ଵାଧୀନତା ପାଇଁ ଓଡିଆ ପୁଅ ...

ସ୍ଵର୍ଣ୍ଣାକ୍ଷରରେ ଲିପିବଦ୍ଧ ଉତ୍କଳୀୟ ସଂଗ୍ରାମୀଙ୍କ ଭୂମିକା 

ଓଡ଼ିଆ ପୁଅର ବୀରତ୍ୱ ପାଇଁ ଗର୍ବିତ ଆମ ଦେଶ ମାତୃକା ।

ମଧୁବାବୁ, ଫକୀରମୋହନ ରାଧାନାଥଙ୍କ ବିଜୟ ଗୀତିକା

ଶତସିଂହ ବଳରେ ଉଦ୍ରେକ କରାଇଲା ମାଆର ସୁରକ୍ଷା । 

ଓଡ଼ିଆ ପୁଅ ନେତାଜୀ ସୁଭାଷଙ୍କ ସ୍ଵାଧୀନତା ଆନ୍ଦୋଳନ

ଆଜାଦ ହିନ୍ଦ ଫୌଜରେ ମୁକ୍ତିର ବହ୍ନି କଲା ପ୍ରଜ୍ଜ୍ଵଳନ । 

ସତ୍ୟବାଦୀ ପଞ୍ଚସଖାଙ୍କର କାଳଜୟୀ ଲେଖନୀ ମୁନ 

ସ୍ଵାଧୀନତା ସଂଗ୍ରାମେ ନବଚେତନାର ଦେଲା ଆହ୍ଵାନ । 

ଯୋଗଦେଲେ ଗୋପବନ୍ଧୁ ଗାନ୍ଧୀଜିଙ୍କ ଅସହଯୋଗ ମନ୍ତ୍ରରେ

ବିତିଛି କାରାଗାରରେ ଇଂରେଜ ବିରୋଧୀ ବୀରତ୍ୱର ଲେଖାରେ ।

ଲକ୍ଷ୍ମଣ ନାୟକ, ବିର୍ସାମୁଣ୍ଡା, ସୁରେନ୍ଦ୍ର ସାଏଙ୍କ ରଣହୁଙ୍କାରରେ

ଶହ ଶହ ଓଡ଼ିଆ ପୁଅ ଝାସ ଦେଲେ ସ୍ଵରାଜ୍ୟ ଆନ୍ଦୋଳନରେ । 

ବାର ବରଷର ଓଡ଼ିଆ ପୁଅ ବାଜିରାଉତର ଦେଶପ୍ରୀତି

ଜାତୀୟ ସ୍ଵରାଜ୍ୟ ନିମନ୍ତେ ହସିହସି ଦେଇଥିଲେ ଆତ୍ମହୁତି ।

ବକ୍ସି ଜଗବନ୍ଧୁ,ଜୟୀ ରାଜଗୁରୁଙ୍କ ବୀରତ୍ୱର କ୍ରାନ୍ତିକାରୀ ନୀତି

ଓଡ଼ିଆ ପାଇକ ମନେ ଜାଗ୍ରତ କରାଇଥିଲା ବିଦ୍ରୋହର ତାତି । 

ଆସ ମିଶି ସଭିଏଁ ତ୍ରିରଙ୍ଗା ପତାକା ତଳେ ଶପଥ ନେବା 

ସଂଗ୍ରାମୀଙ୍କ ବଳିଦାନ ଏବଂ ମାତୃଭୂମିକୁ ସମ୍ମାନ ଦେବା ।

ଦେଶ,ଜାତିର ଗୌରବ ପାଇଁ ଲଢିବା, ଦେବାନାହିଁ ପଛଘୁଞ୍ଚା

ଆମର ଅସ୍ମିତା ତ୍ରିରଙ୍ଗା ପତାକା ଆମ ଗୌରବର ଧ୍ଵଜା ।