ଭଉଣୀର ରାକ୍ଷୀ ସେନେହର ସାକ୍ଷୀ

ଭଉଣୀର ରାକ୍ଷୀ

ସେନେହର ସାକ୍ଷୀ ।

ଗୋଟିଏ ନୀଡର ଦୁଇଟି ପକ୍ଷୀ

ଦୁହେଁ ଦୁହିଁଙ୍କ ସାଥୀରେ ଖୁସି ।

ଶ୍ରାବଣର ଶେଷ ଦିନ ଗହ୍ମା ପୁନେଇଁ

ଫୁଲ,ଚନ୍ଦନ,ସିନ୍ଦୁର ମଥାରେ ଦେଇ ।

ଭ୍ରାତା ହସ୍ତେ ଭଗ୍ନି ହରଷେ ରାକ୍ଷୀ ବାନ୍ଧଇ

ପ୍ରୀତିପୂର୍ଣ୍ଣ ଉପହାର ଦିଏ ଭଉଣୀକୁ ଭାଇ ।

ରେଶମୀ ସୁତାରେ ଲୁକ୍କାୟିତ ଅମୂଲ୍ୟ ବାର୍ତ୍ତା

ସମ୍ପର୍କର ରଜ୍ଜୁରେ ଗଙ୍ଗାପରି ଭରେ ପବିତ୍ରତା ।

ଶ୍ରୀମନ୍ଦିରରେ ଅଲିଅଳି ଭଉଣୀ ସୁଭଦ୍ରା ମାତା

ଦୁଇଭାଇଙ୍କ ହସ୍ତେ ବାନ୍ଧିବେ ରାକ୍ଷୀ ଫୁଲରେ ଗୁନ୍ଥା ।

ଗହ୍ମା ପୂର୍ଣ୍ଣିମାରେ ହିନ୍ଦୁ ସଂସ୍କୃତିରେ ଗୋରୁ ପୂଜନ

ବଡଦେଉଳରେ ପ୍ରଭୁ ବଳଭଦ୍ର ଜନ୍ମ ହୁଏ ପାଳନ ।

ରାକ୍ଷୀପୂର୍ଣ୍ଣମୀ ଭାଇଚାରା ସଂସ୍କୃତିର ବାର୍ତ୍ତା କରେ ବହନ

ସ୍ନେହ ଓ ଆନ୍ତରିକତାର ପରବ ଆମର ଅଟେ ମହାନ ।