😊😊ପରାକ୍ରମ ଦିବସ😊😊

ସ୍ୱତନ୍ତ୍ର ସେନାନୀ ଭାରତର ମଣି

ନାମ ରଖିଗଲେ ବିଶ୍ୱେ

ସୁଭାଷ ନାମଟି ସୁସଜ୍ଜିତ ହେଲା

ପବିତ୍ର ଭାରତ ଦେଶେ।୧।

ସାମର୍ଥ୍ୟ ବଳରେ ସ୍ୱତନ୍ତ୍ର କରିଲେ

ବ୍ରିଟିଶ କବଳୁ ଦେଶୁ

ପରାଧୀନ ଦୁଃଖ କଳଙ୍କ ହଟିଲା

ଆମରି ଧାର୍ମିକ ଦେଶୁ।୨।

କଟକ ସହରେ ଜନ୍ମ ନେଇଥିଲେ

ମାଆ ନାମ ପ୍ରଭାବତୀ

ଜାନକୀନାଥଟି ବାପାଙ୍କର ନାମ

ରଖିଗଲେ ଭବେ କୀର୍ତ୍ତି।୩।

ଜାପାନ ଜର୍ମାନୀ ସାହାଯ୍ୟ ନେଇଣ

କରିଲେ ସେନା ଗଠନ

ଆଜାଦ ହିନ୍ଦର ଫୌଜ ଠିଆ କରି

ଅର୍ପିତ କଲେ ଜୀବନ।୪।

ଦେଶବାସୀଙ୍କୁ ସେ ଆବାହନ କଲେ

ବଳିଦାନ ଦେବା ସର୍ବେ

ବ୍ରିଟିଶ ଶାସନୁ ପରାଧୀନ ଛାଡି

ସ୍ୱତନ୍ତ୍ର ହୋଇବା ସର୍ବେ।୫।

ତାଙ୍କ ପରାକ୍ରମେ ସ୍ୱତନ୍ତ୍ର ହୋଇଲା

ପବିତ୍ର ଭାରତ ଦେଶ  

ଜନ୍ମ ଜୟନ୍ତୀଟି ଘୋଷଣା ହୋଇଲା         

ଅପୂର୍ବ ହେଲା ଦିବସ।୬।

ପରାକ୍ରମ ନାମ ଦିବସ ହୋଇଲା

ଘୋଷଣା ହୋଇବ ଆଜି

ବଙ୍ଗାଳକୁ ଯାଇ ଦେଶର ପ୍ରଧାନ 

ଘୋଷିତ କରିବେ ଆଜି।୭।

ଜନ୍ମ ଜୟନ୍ତୀଟି ପରାକ୍ରମ ଦିନ

ଲାଗୁ ହେଲା ଆଜି ଠାରୁ

ତେଇଶ ତାରିଖ ଜାନୁଆରୀ ମାସ

ପରାକ୍ରମ ଆଜି ଠାରୁ।୮।

ଗର୍ବ କରୁଅଛି ସମ୍ପୂର୍ଣ୍ଣ ଭାରତ

ଓଡିଶା ଗର୍ବଟି କରେ 

ଗର୍ବ କରୁଅଛି ସମ୍ପୂର୍ଣ୍ଣ ବିଶ୍ୱଟି

ବଙ୍ଗଳା ବି ଗର୍ବ କରେ।୯।

ଶ୍ରଦ୍ଧାଞ୍ଜଳି ଦିଏ ଦେଶର ଜନତା

ଭକ୍ତି ଶ୍ରଦ୍ଧାଞ୍ଜଳି ମୋର

ତବ ଋଣ ଦେଶ ଶୁଝି କି ପାରିବ

ଗାଉଥିବ ନାମ ତର।୧୦।

ସ୍ୱତନ୍ତ୍ର ସେନାନୀ ଭାରତର ମଣି

ନାମ ରଖିଗଲେ ବିଶ୍ୱେ

ସୁଭାଷ ନାମଟି ସୁସଜ୍ଜିତ ହେଲା

ପବିତ୍ର ଭାରତ ଦେଶେ।