ପଇସା ଗଛର ଟଙ୍କା ଫଳ
ପଇସା ଗଛର ଟଙ୍କା ଫଳ
ଟିକି ଚାରାଟିଏ କିଣି ଲଗାଇଲେ
ବଡ ହୁଏ ଦିନେ ତାହା
ଦାନ କରେ ସିଏ ମାନବ ସମାଜେ
ଫୁଲ ଫଳ ଆଉ ଛାୟା ॥
ଖରା ବେଳେ ଜୀବେ ତା'ର ତଳେ ସର୍ବେ
ବସି ବିତାଅନ୍ତି ବେଳ
ଗଛ ଡାଳ ତଳେ ମୂଦୁ ବାୟୁ ମିଳେ
ଅଟେ ଆହା କି ! ଶୀତଳ ॥
ଗଛ ହିଁ ଦିଅଇ ପ୍ରାଣୀଙ୍କର ପାଇଁ
ଶୁଦ୍ଧବାୟୁ ଅମ୍ଳଜାନ
ଜୀବନ ଧାରଣ ପାଇଁ ଅଟେ ଯାହା
ଅତ୍ଯନ୍ତ ହେ , ପ୍ରୟୋଜନ ॥
ବୂକ୍ଷ ଲତା ହେତୁ ହୁଅଇ ବରଷା
ମୂର୍ତ୍ତିକାର ସଂରକ୍ଷଣ
ସାଥେ ବହୁ ବିଧ ହିତ ନିତି ସାଧି
ରଖଇ ସେ ଭାରସାମ୍ଯ ॥
ତା'ର ଫୁଲ ଫଳ ଔଷଧି ସକଳ
ବିକ୍ରୟ କରିଣ ଜନେ
ନିତି ଯେ ବହୁତ ଆହରନ୍ତି ଅର୍ଥ
ପୁଣି ପଶୁ ପକ୍ଷୀ ମାନେ ॥
ଖାଇ ତା'ର ଡାଳ ପତର ଓ ଫଳ
ଲଭନ୍ତି କେତେ ସନ୍ତୋଷ
ପଇସା ଗଛରେ ଟଙ୍କା ଫଳ ସତେ
ଦୂରାଏ ଭୋକ ଓ ଶୋଷ ॥
ପଇସା କି ! କେବେ କେଉଁଠି ବାସ୍ତବେ
ଦୂରାଇ ପାରିଛି କହ
ଭୋକ ଶୋଷ ସିନା ଦୂରାଇ ଦିଅଇ
ଫଳ ଦାନ କରି ବୂକ୍ଷ ॥