ପିଲାଦିନ

କଥା ଏତିକି ତୋଅର ମୋର

ରହିଲା ଆଜି ବାକି,

ଦିନ ଆସିବ କହିବି ସବୁ

ଯେମିତି ହେଲେ ଡାକି ।

ଭୁଲିବୁ ନାହିଁ ମୁଁ ଥିଲି ସାଙ୍ଗ

ଯେତେ ଦୂରରେ ଥାଆ,

ଲେଖିବୁ ଚିଠି ତୁ ଭଲ ମନ୍ଦ

ମନେ ରଖିଛୁ ଯାହା ।

ତୋଅର ମୋର ଗୋଟିଏ ବହି

ପଢିଲା ବେଳେ ଥିଲା,

ତୁ ହସଉ ମୋ'ଜାମା ପିନ୍ଧି

ଲାଗିଲେ ତୋତେ ଢିଲା ।

ଖାଇବା ଛୁଟି ହେଲେ ଆମର

ଯିଏ ଯୁଆଡେ ଯାଏ,

ତୋଅର ମୋର ଗୋଟେ ଖାଇବା

ନିଇତି ଆମେ ଖାଏ ।

ଦୂର ବାଟକୁ ଗଲେ କୁଆଡେ

କଂଟା ଫୁଟିବ କାଳେ,

ତୋ' ଜୋତାକୁ ମୋତେ ପିନ୍ଧାଇ 

ତୁ ଚାଲଉ ତଳେ ।

ପିଲାଦିନର ସେସବୁ କଥା 

କେମିତି ଯିବି ଭୁଲି,

ଆଜି ନହେଲେ ତୋ'ସାଥେ ମୋର

ଦେଖା ହୋଇବ କାଲି ।

ଦୁନିଆ ସାରା ଯାହା ଖୋଜିବି

ପାଇବି ଦେଲେ ଧନ,

ପାଇବି ନାହିଁ ଯେତେ ଖୋଜିଲେ

ଆଉସେ ପିଲାଦିନ ।