Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Sarojini Mishra

Tragedy Others

4  

Sarojini Mishra

Tragedy Others

ଫୁଲୱାମାର ଧୂମକେତୁ

ଫୁଲୱାମାର ଧୂମକେତୁ

1 min
385



ଦୁଇ ହଜାର ଉଣେଇଶ ସାଲ

ଫେବୃୟାରୀ ମାସ ଥିଲା 

ଚଉଦ ତାରିଖ ପ୍ରେମ ଦିବସ ତ

ପାଳିତ ଯେ ହେଉଥିଲା ।


ପ୍ରେମ ଦିବସରେ ତୁମ ଦେଶ ପ୍ରେମ

ଆଲେଖ୍ୟ ଯେ ଆଙ୍କି ଦେଲ 

ଦେଶ ପ୍ରେମେ ପଡି ତୁମେ ଜୀବନକୁ

ଧନ୍ୟ ମନେ କରୁଥିଲ ।


କେଉଁଠୁ ଆସିଲା ଧୂମକେତୁ ପୁଣି

ତୁମ ଅଗୋଚରେ ଥିଲା

ଉଭା ହୋଇ ତୁମ ଜୀବନ ପର୍ବ୍ଦରେ

ପୂର୍ଣ୍ଣଛେଦ ଟାଣି ଦେଲା ।


ଏକା ସଙ୍ଗେ ନେଲା ଚାଳିଶ ଜୀବନ

ହଲ ଚଲ ସୃଷ୍ଟି ହେଲା

ସାରା ଭାରତରେ ଶୋକ ର ଛାୟା ହେ

ସଭିଙ୍କୁ ବ୍ୟଥିତ କଲା ।


ଦେଶ ପ୍ରେମ ତୁମ ସର୍ବାର୍ଗରେ ଥିଲା

ପ୍ରେମରେ ଜୀବନ ଦେଲ

ପ୍ରେମ ଦିବସରେ ଅମଳିନ ପ୍ରେମ

ବାର୍ତ୍ତା ଯେ ଶୁଣାଇ ଦେଲ ।


ପିତା ମାତା ପ୍ରେମେ ବାନ୍ଧି ନ ହୋଇ ଯେ

ଦେଶ ପ୍ରେମେ ବାନ୍ଧି ହେଲ

କର୍ମର ଆହ୍ଵାନେ ପିତା ମାତା ମୋହ

ତୁମେ ତ୍ୟାଗ କରିଥିଲ ।


ପ୍ରିୟାର ପ୍ରେମରେ ବାନ୍ଧି ନ ହୋଇ ଯେ

ଦୂରେ ଅନୁଭବ କଲ

ବରଫେ, ପାହାଡ଼େ, ଜଙ୍ଗଲରେ ତୁମେ

ସମୟ ବିତାଇ ଥିଲ ।


ପ୍ରେମର ତାଲିକା ତୁମ ଲମ୍ବା ଥିଲା

ସର୍ବାର୍ଗରେ ଦେଶପ୍ରେମ

ଦେଶ ମାତୃକାର ପ୍ରେମ ଅନୁଭବ

ସଭିଙ୍କୁ ବୁଝାଇ ଥିଲ ।


ତୁମେ ଲଢୁ ଥିଲ ଶତ୍ରୁ ଙ୍କ ସଙ୍ଗରେ

ଗର୍ବିତ ଯେ ପରିବାର

ନିଶ୍ଚିନ୍ତ ନିଦରେ ଆମେ ଶୋଉ ଥିଲୁ

ଦେଶ ହେଉଥିଲା କ୍ରୁଦ୍ଧ ।


ଚାଳିଶିଟି ପରିବାରରେ ତୁମେ ହେ

ଶୂନ୍ୟ ସ୍ଥାନ ସୃଷ୍ଟି କଲ

ପିତା, ପୁତ୍ର ଅବା ଭାଇର ସ୍ଥାନଟି

ଖାଲି କରି ଦେଇ ଗଲ ।


ପତ୍ନୀର ମଥାରୁ ସିନ୍ଦୁର ଯେ ଗଲା

ସନ୍ତାନ ମୁଣ୍ଡରୁ ହାତ

ଦେଶରୁ ହଜିଲ ବୀର ସୈନିକ ହେ

ଦେଶ ହେଲା କ୍ରୋଧାନ୍ୱିତ ।


ଧୂମକେତୁ ଆସି ଜାଳି ଦେଇ ଗଲା

କେତେ ଯେ ସ୍ୱପ୍ନ ମହଲ

ଅଧୁରା ରହିଲା କେତେ ଯେ ସପନ

ଅବଶେଷେ ଶୋଇ ଗଲ ।


ମାଆର ପଣତ ପତ୍ନୀର ପ୍ରେମକୁ 

ଧୂମକେତୁ ଜାଳି ଦେଲା

ସାରା ଦେଶେ ଖାଲି ହା ହା କାର ହେଲା

ନିଆଁ ଯେ ବରଷୁ ଥିଲା ।


ଚାଳିଶି ବଦଳେ ତିନି ଶହ ଗଲେ

ତୁମ ସ୍ଥାନ ଖାଲି ଥିଲା

(ଦେଲେ) ଅପୂରଣୀୟ ଯେ ତୁମ ଇଚ୍ଛା ସବୁ

ପାଉଁଶ ଯେ ହୋଇ ଗଲା ।


ଆଖି ଦେଖି ନାହିଁ ଅନୁଭବ ଆଜି

ମନରେ ବେଦନା ଭରେ

ପ୍ରେମ ଦିବସରେ ତୁମ କଥା ସବୁ

ଭୁଲି ତ ନ ହୁଏ କେବେ ।


ହେ ବୀର ସହିଦ୍‌ କରୁଛୁ ପ୍ରଣାମ

ଶ୍ରଦ୍ଧାର କୁସୁମ ଦେଇ

ସଲାମ୍ କରୁଛୁ ହେ ବୀର

ପ୍ରେମର ବାରତା ଦେଇ ।


 


Rate this content
Log in