ପହିଲି ରଜ !

ରଜ ଅଟେ ପରା ବିଚ୍ଛିନ୍ନାଚଳର

ପାରମ୍ପାରିକ ପରବ,

ବିଚ୍ଛିନ୍ନ ଓଡ଼ିଆ,ପାଳନ୍ତି ଆନନ୍ଦେ

ତିନି ଦିନିଆ ଉତ୍ସବ !

ବର୍ଷା ଋତୁର ପ୍ରାରମ୍ଭ

ରଜ ପରବର ଦ୍ବିତୀୟ ଦିନରୁ

ମିଥୁନ ମାସ ଆରମ୍ଭ !!

ଭୂମିଦାହ ଯହୁଁ ତୃତୀୟ ଦିନରେ

ବସୁମତୀଙ୍କର ସ୍ନାନ

ମହତ୍ତ୍ଵ ଅପାର ଅଛି ଇତିହାସ

ଜାଣିଣ ମନ ପ୍ରସନ୍ନ !

ଆଜିର ଖୁସିର ଦିନ,

ପହିଲି ରଜ ଏ ଦେଉଛି ମର୍ତ୍ତ୍ୟରେ

ପ୍ରେମ ପ୍ରୀତି ଶ୍ରଦ୍ଧା ମାନ !!

ଯୁବା ଓ ଯୁବତୀ ହୁଅନ୍ତି ପ୍ରସନ୍ନ

ଦୋଳିର ଗୀତ ଗୁଞ୍ଜନ

ନୂଆ ନୂଆ ରାଗ ନୂଆ ନୂଆ ଛନ୍ଦ

କରୁଛି ମନ ଉଚ୍ଛନ୍ନ !

ପହିଲି ରଜର ଦିନ

କୃଷକ ଅପାର ହୁଅନ୍ତି ଆନନ୍ଦ

ଆସିଛି ଚାଷର ଦିନ !

ହେଲା ରଜବତୀ ଚାରୁ ବସୁନ୍ଧରା

ନୂଆ ନୂଆ ଶସ୍ଯ ଜନ୍ମ 

ହଳ ଳଙ୍ଗଳର ପୂଜନ ହେଉଛି

ସଂକ୍ରାନ୍ତିର ଏ ଦିନ !

ମିଠା ମିଠା ପିଠାପଣା,

ଆନନ୍ଦ ଅପାର ବିଚ୍ଛିନ୍ନାଚଳରେ

ଖୁସିରେ ହୁଅନ୍ତି ବଣା !!

ପର୍ବର ଉତ୍ସାହ ଗାଆଁରୁ ସହର

ଓଡ଼ିଆ ଭୂଇଁ ଏ ପରା

ରଜ ଉତ୍ସବରେ ମତୁଆଲା ଆଜି

କାଳିଆ ପୂଜନ୍ତି ସାରା !

ସଂସ୍କୃତି ସଂସ୍କାର ଧାରା

ଆମ୍ବ ଉଦ୍ୟାନରେ ଦୋଳି ଝୁଲୁ ଅଛି

ଦୋଳି ଗୀତ ମନ ଭରା !!