ଫଗୁଣ ର ଫଗୁ ଖେଳ

ଏ ଫଗୁଣ ମାସ ଉଜ୍ବଳ ପ୍ରକାଶ 

ସବୁଠି ମଧୁର ଝର 

ମଧୁମୟୀ ଚାରୁ ପ୍ଲାବନ ଥିବାରୁ 

ସଞ୍ଚରେ ସୁରଭି ଭାର ॥

କେଡେ ଆମୋଦରେ ସବୁରି ହୃଦରେ 

ମଧୁମୟୀ ମାଦକତା

ବିଞ୍ଚି ଦେଇ ଅଛି ଋଚିର ପ୍ରକୁତି 

ସୁଷମା ମୟୀ ବିଭୂଷା ॥

ହେନା ମଧୁ ଗନ୍ଧ ଗନ୍ଧସାର ଗନ୍ଧ

ସାଥେ ନାନା କୁସୁମର

ବହି ଆଣୁଅଛି ସୁବାସ ପ୍ରକୁତି

ମଳୟ ପବନ ଧୀର ॥

ସୁଲୁସୁଲୁ ରବେ ଆହା କି ଗରବେ 

ଗରଜି ବୁଲୁଚି ସଦା

ପ୍ରକୁତି ହୋଇଛି ସଭିଙ୍କ ପାଇଁକି 

ଆହା କି ଆମୋଦ ପ୍ରଦା ॥

ଫଗୁଖେଳ ଏବେ ପାଖେଇ ଏପାଖେ 

ଆସିଲାଣି ଏଇ ଦେଖ

 ଦଶ ଦିଶ ସାଜେ ସୁଚାରୁ ଚମକେ

ଧରି ଅନୁପମ ବେଶ ॥

ଆଉ କିଛି ଦିନ ହେଲେ ଅବସାନ

ଫଗୁଣ ର ଫଗୁ ଖେଳେ

ଫଗୁ ଧରି ହାତେ ସଭିଏଁ ଉନ୍ନାଦେ 

ମାତିବେ ଅବିର ଖେଳେ ॥

ରଂଗ ଧରି ରାଗେ ଆହା କି ସରାଗେ

ବୋଳିବେ ଅପର ଅଙ୍ଗେ 

ଦୋଳ ଯାତରା ଏ ମନ ଉଲ୍ଲସାଏ 

ଆହା କି ଆମୋଦ ଲାଗେ ॥

ଫଗୁ ଓ ପିଚିକା ଚିପି ଚିପି ଚିକା

ଲଗାଇ ଖେଳିବା ପାଇଁ

ଆରେ ବାଇ ମନ ହେଉଛୁ ଉଛନ୍ନ

ରହିଥା ନଶୋଇ ଚାହିଁ ॥

ଦୋଳ ଯାତରା ରେ କେତେ ମଉଜରେ 

ମାତିବୁ ଆଗକୁ ରହ

କୁସୁମ ସୁରଭି ବହି ମନ୍ଦେ ଭାସି

ଆସୁଅଛି ଗନ୍ଧବହ ॥

ଫଗୁଣ ର ଚାରୁ ପରଶେ ଶରୀରୁ 

ନବ‐ପୁଲକ ସଞ୍ଚରେ 

କି ଆମୋଦ ଦାୟୀ ଜନମନ ମୋହି

ନିଏ ଏ କ୍ଷଣ ପ୍ରଭା ରେ ।।

‌