ଫଗୁଣ ଆସିବା ପରେ

ବସନ୍ତର ଶୀତୁଆ ପବନ

ଗଲାଣି ଆଜି ତ ହଜି

ରଙ୍ଗ ତୁଳୀ ଧରି ଫଗୁଣ ଆସିଛି

ଧରଣୀ ରାଣୀକୁ ଦେବ ସାଜିll

କେତେ ରଙ୍ଗ ବେରଙ୍ଗର ଫୁଲ....

କୁରେଇ, କାଞ୍ଚନ, ସାଙ୍ଗେ ପଳାସ, ବଉଳ

ମୁରୁଜ ଲେଖିଛି ପୁଣି ଶୂନ୍ୟ ଅଗଣାରେ

କେତେ ପୁଷ୍ପେ ଗଭା ସାଜେ...

ଧରଣୀ ତା ଗୁଚ୍ଛ କବରୀରେ ll

ସତେ ଲାଗେ ଅବା ତାର ନାଲି ପାଟ ଶାଢ଼ୀ

ଶୋଭା ପାଉ ଅଛି କଳାମେଘି କୁମ୍ଭ ଧଡି

ଚିତ୍ରିତ କରିଛି ଯତନେ କେଉଁ ଚିତ୍ରକର

ମନକୁ ତା ସ୍ଥିର କରି ll

ଆଞ୍ଚଳକୁ ସାଜି ହଳଦୀ ରଙ୍ଗରେ

ଦେଇଛି ମୁରୁଜ ବୁଣି....

ସବୁଜ ରଙ୍ଗର ଓଢଣୀକୁ ସାଜି

ଝଟକେ ଧରଣୀ ରାଣୀ ll

ମଥା ପରେ ନାଲି ମଥା ମଣି ପରି

ସାଜିଛି ପଳାସ....ଗୁଚ୍ଛ

ବଉଳ ବାସ୍ନାରେ ବିମୋହିତ ପ୍ରାୟ

ଲାଗଇ ବଡ଼ ଉଚ୍ଚାଟ ll