Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

ଅଜୟ କୁମାର ବେହେରା

Fantasy


3  

ଅଜୟ କୁମାର ବେହେରା

Fantasy


ଫେରିଆସ ଥରେ ବିପ୍ଳବୀ

ଫେରିଆସ ଥରେ ବିପ୍ଳବୀ

1 min 4 1 min 4

ହେ ବିପ୍ଲବୀ.....

ଫେରି ଆସ ଥରେ ଦେଖିଯାଅ ବାରେ

    ସ୍ୱପ୍ନର ଭାରତ ବର୍ଷ, 

ସାମ୍ୟବାଦ ନୀତି ମରଣ ଯନ୍ତାରେ

    ସାମ୍ରାଜ୍ୟ ବାଦର ଚାଷ ।

ତେଏସ୍ତରୀ ବର୍ଷ ସ୍ୱାଧୀନତା ପରେ

    ପରାଧୀନ ଆମ ଦେଶ, 

ଭାଷଣ ବାଜିରେ ଦେଶର ଶାସନ

    ରାଜନୀତି କରେ ନାଶ ।

ହେ ବିପ୍ଲବୀ.....

ଫେରି ଆସ ଥରେ ଦେଖିଯାଅ ବାରେ

    ଚାଷୀ ଶ୍ରମିକଙ୍କ ଦୁଃଖ,

ମାଗଣା ଯୋଜନା ଫଳ ଖାଉଛନ୍ତି

    ମେଣ୍ଟୁନି ପେଟର ଭୋକ।

ଚାଷୀର ଫସଲ ଉଜୁଡି ଯାଉଛି

    ଶ୍ରମିକ ପାଉନି ମୂଲ,

ଚାଷୀ ଆତ୍ମହତ୍ୟା କୀଟନାଶ ପିଇ

    ଫସଲ ହେଉନି ଭଲ ।

ହେ ବିପ୍ଲବୀ.....

ଫେରି ଆସ ଥରେ ଦେଖିଯାଅ ବାରେ

    ଶିକ୍ଷା ସ୍ୱାସ୍ଥ୍ୟ ସେବା ନୀତି,

ସ୍ୱାସ୍ଥ୍ୟ ସେବା ମିଳେ ସମ୍ପୂର୍ଣ୍ଣ ମାଗଣା

    କମୁନି ରୋଗର ଭୀତି ।

ଶିକ୍ଷା ନିୟମରେ ସଂସ୍କାର ଜୁଆର

    ଧନ୍ୟ ସରକାରୀ କଳ,  

ସରକାରୀ ସଂସ୍ଥା ଶିକ୍ଷା ମୂଲ୍ୟହୀନ

    ବେସର୍କାରୀ କରେ ଖୋଳ ।

ହେ ବିପ୍ଲବୀ.....

ଫେରି ଆସ ଥରେ ଦେଖିଯାଅ ବାରେ

    ବାସହରା ହୃଦେ କୋହ,

ଆବାସ ଯୋଜନା ବାସହୀନ ପାଇଁ

     ମିଳୁନାହିଁ ପକ୍କା ଗୃହ ।

ଦରିଦ୍ର ଗଣତି ଖାତା କଲମରେ

    ସୀମିତ ଦରିଦ୍ର ଜନ,

ବାସ୍ତବ ଦୃଶ୍ୟଟି ସମାଜ ପଟରେ

   ଦର୍ଶାଉଛି ଭିନ୍ନ ମାନ ।

ହେ ବିପ୍ଲବୀ.....

ଫେରି ଆସ ଥରେ ଦେଖିଯାଅ ବାରେ

    ନାରୀ ନିର୍ଯାତନା ଦୃଶ୍ୟ

ନାରୀ ସୁରକ୍ଷାର ଡେଙ୍ଗୁରା ବାଜୁଛି

    ନାରୀ ନୁହେଁ ସୁରକ୍ଷିତ ।

ଧର୍ଷଣ ଶୋଷଣ ନାରୀଙ୍କ କଷଣ

   ଦୃତ ବେଗେ ହୁଏ ବୃଦ୍ଧି

ରାଜନୀତି ନିଆଁ ଚର୍ଚ୍ଚାରେ ସୀମିତ

    କମିଯାଏ ପୁଣି ତାତି ।

ହେ ବିପ୍ଲବୀ.....

ଫେରି ଆସ ଥରେ ଦେଖିଯାଅ ବାରେ

   ନିଶା ବେପାରୀଙ୍କ ନାରା

ନିଶା କାରବାର କରେ ନାରଖାର

   ପଡନ୍ତିନି କେବେ ଧରା ।

ମଦ୍ୟପ ନିଶାଡୀ ଧରା ହେଉଛନ୍ତି

   ବେପାରୀଙ୍କୁ ପୁରସ୍କାର 

ନିଶା ବେପାରରେ ରାଜସ୍ୱ ଅଧିକ

    ପାଉଛନ୍ତି ସରକାର ।

ହେ ବିପ୍ଲବୀ.....

ଫେରି ଆସ ଥରେ କହିଯାଅ ବାରେ

    ତୁମ ବୈପ୍ଳବିକ ନୀତି

ସାମ୍ୟବାଦ ପାଇଁ ତ୍ୟାଗର କାହାଣୀ

   ଶୁଣି ଜନେ ଯିବେ ଶିଖି ।

ଘୃଣ୍ୟ ରାଜନୀତି ଶାସନ ବ୍ୟବସ୍ଥା

    ଦେଶରୁ ହୋଇବ ଦୂର 

ନେତାଜୀଙ୍କ ନୀତି ଆଦର୍ଶରେ ଚାଲି

    ମଙ୍ଗଳ ହେବ ଦେଶର ।


Rate this content
Log in

More oriya poem from ଅଜୟ କୁମାର ବେହେରା

Similar oriya poem from Fantasy