ଫେରିଆସ ପ୍ରିୟ

ଚାହିଁ ଚାହିଁ ଆଜି ତୁମ ଚଲାପଥ 

ପାଦ ମୋ ଗଲାଣି ଥକି

ଫେରିଆସ ପ୍ରିୟ ଦୁନିଆକୁ ମୋର

ପ୍ରିତୀ ର ଫଗୁଣ ଡାକି ।

ଆଖିରେ ପ୍ରେମର ଥିବ ପରିଭାଷା

ହୃଦୟେ ମିଳନ ନିଆଁ

ଓଠ ସ୍ପର୍ଶ ବାରେ ବିଜୁଳି ଖେଳିବ

କୁହୁଳିବ ପ୍ରିତୀ ଧୂଆଁ ।

ବଙ୍କିମ ଅଧର ପ୍ରିୟ ଚିତ ଚୋର

ବଚନ ସୁରଭି ଆଭା

ହୃଦୟ ଜଳାଏ ସ୍ମୃତି ଛବି ଯେତେ

ପ୍ରାଣେ ଇହା ହୁଏ ଉଭା ।

ପ୍ରେମର ତରଙ୍ଗ ହୃଦୟରେ ଖେଳେ

ତୁମ ପ୍ରିତୀ ଭାବ ତୀରେ

ଭଟ୍ଟା ପଡେ ଯେବେ ଯାଅ ବହୁ ଦୁରେ

ଫେରିଆସ ପ୍ରିୟ ଥରେ ।

ପ୍ରିତୀ ରଣାଙ୍ଗନେ ରମଣୀ ମୁଁ ତୁମ

ଅପେକ୍ଷା ରେ ଅଛି ଚାହିଁ

ଆହେ ନୃପବର କର ଧର ମୋର 

ତୁମ ବିନୁ ଆସ୍ଥା ନାହିଁ ।