ଲାଇବ୍ରେରୀ
ପ୍ରୋଫାଇଲ୍
ଭିଜେ ଭାବି ତୁମ କଥା
ଭିଜେ ଭାବି ତୁମ କଥା
1 min
275
ପହିଲି ଆଷାଢ଼ ବରଷା ଛିଟାରେ
ଭିଜେ ଭାବି ତୁମ କଥା
ଶୀତୁଆ ସନ୍ଧ୍ୟାର ଶିଶିର ସାଥିରେ
ହେବା ପାଇଁ ଥରେ ଦେଖା ।
ଗୋପନେ ଆଙ୍କେ ମୁଁ ତୁମ ଛବି କେତେ
ସାଉଁଟି ଅତୀତ ସ୍ମୃତି
ଭାବନା ରାଇଜେ ହଜିଯାଏ କେବେ
ଆଦରି ଅକୁହା ପ୍ରୀତି ।
ଫଗୁଣ କୁ ନେଇ କେବେ ଆସ ଥରେ
ରଙ୍ଗର ପସରା ଧରି
ଫିକା ଜୀବନ ମୋ ସାଧା କାଗଜ ଟେ
ଅବିର କୁ ହୁଏ ଝୁରି ।
ରଙ୍ଗ ହୀନ ମନ ରଙ୍ଗାଇତ କର
ପ୍ରୀତି ରଙ୍ଗ ତୂଳୀ ନେଇ
ସିନ୍ଥି ରେ ଝଟକୁ ତୁମ ନାମେ ସଦା
ଜନ୍ମ ଜନ୍ମାନ୍ତର ପାଇଁ ।।
