ପବିତ୍ର ରକ୍ଷା ବନ୍ଧନ
ପବିତ୍ର ରକ୍ଷା ବନ୍ଧନ
ଆଜି ପବିତ୍ର ପରବ ରକ୍ଷାବନ୍ଧନ ବ୍ୟବସ୍ଥା
ଭଳି ଭଳି କେତେ ରାକ୍ଷୀ ବଜାରରେ ବିକା ।
ହେଉ ଅଛି କିଣି ଆଣି ଭାଇଙ୍କ ହାତରେ
ଭଉଣୀ ମାନେ ହେ ବନ୍ଧିବେ ଶରଧା ଭରେ ।
ପବିତ୍ର ଉତ୍ସାହ ଭରି ଦିଏ ଏ ସବୁରି ମନେ
ସ୍ନେହ ସୌହାର୍ଦ୍ଦ୍ୟର ପରବ ରକ୍ଷା ବନ୍ଧନେ ।
ପିଠା ପଣା ଖାଇ ଗୀତ ଗାଇ ମଉଜରେ
ପାଳନ୍ତି ସକଳେ ଆଜି କି ଖୁସି ମନରେ ।
ବରଷକୁ ଥରେ ଆସେ ଏ ଗହ୍ମା ପୁନେଇଁ
ଆନନ୍ଦ ଉଲ୍ଲାସ ହୋନ୍ତି ଭାଇ ଓ ଭଉଣୀ ।
ଭାଇମାନଙ୍କର ହାତେ ଭଉଣୀଙ୍କ ରାକ୍ଷୀ
କରଇ ଶୋଭା ବର୍ଦ୍ଧନ ସ୍ନେହ ଶ୍ରଦ୍ଧା ମାଖି ।
ମହା ଭାରତୀୟ ଭାବ ସଂସ୍କୃତି ମହିମା
ଗାଥା ଗାଇ ପ୍ରସାରଇ ଏ ରାକ୍ଷୀ ପୂର୍ଣ୍ଣିମା ।
ବଳଭଦ୍ରଙ୍କ ଜନମ ଉତ୍ସବ ପାଳନ
ଶ୍ରୀ ମନ୍ଦିରେ ମଉଛବ ହୁଏ ଏହି ଦିନ ।
ରାଧାକୃଷ୍ଣ ମନ୍ଦିରରେ ଝୁଲଣ ପୂର୍ଣ୍ଣିମା
ନିଆରା ପରମ୍ପରାର ପ୍ରକାଶେ ସୁଷମା ।