ପୌରୁଷ
ପୌରୁଷ
ପୁରୁଷ ପଣିଆ ପାଇଁ କିବା ଲୋଡ଼ା
ଭୁଜବଳ ସୁଶରୀର
ମନରେ ସମ୍ମାନ ନଥିଲେ ଜାଣିଥା
ପୁରୁଷତ୍ଵ ହୁଏ ହାର ।
ନାରୀକୁ ଆକ୍ଷେପ କରେ ଯେଉଁ ନର
ଧିକ ତାର ପୌରୁଷକୁ
ସୁଠାମ ଶରୀର ବଳେ ବଳୀୟାର
ଆକର୍ଷିତ କରିବାକୁ ।
ହୃଦୟରେ ପ୍ରେମ ବାକ୍ୟରେ ସଂଯମ
ପୁରୁଷ ପଣିଆ ମୂଳ
ନାରୀର ମର୍ଯ୍ୟାଦା ଅକ୍ଷୁର୍ଣ୍ଣ ନିମନ୍ତେ
ଦେଖାଅ ନିଜର ବଳ ।
ନାରୀତ୍ଵ ଯେପରି ନାରୀର ଗହଣା
କାଳେ କାଳେ ରହିଅଛି
ପୌରୁଷ ସେପରି ଜାହିର ହୁଅଇ
ଆଖି ଲୁହ ଦିଏ ପୋଛି ।
ସମାଜର ସ୍ତମ୍ଭ ନାରୀ ଓ ପୁରୁଷ
ଏକ ମୁଦ୍ରା ପାର୍ଶ୍ଵ ଦୁଇ
ଉଭୟ ଜରୁରୀ ଉଭୟଙ୍କ ପାଇଁ
ପୌରୁଷ ଏକା ନାହିଁ ।