ପାଷାଣଗାତ୍ରର ରୂପସୀ

ପାଷାଣ ଗାତ୍ରର ରୂପସୀ ଗୋ ତୁମେ

ମୋ ମନକୁ ଛୁଇଁ ଯାଅ

କଳ୍ପନାରେ ମୋର ବାରମ୍ବାର ତୁମେ

ଜୀବନ୍ୟାସ ପାଉଥାଅ I

ତୁମରି ତୀର୍ଯ୍ୟକ ଚାହାଣୀ ମୋ ଦେହେ

ଶୀହରଣ ଭରିଦିଏ

ତୁମପାଇଁ ସଖୀ ରଙ୍ଗ ମହଲରେ

ମଦିରା ବି କଥା କୁହେ I

ତୁମରି ନୀରବ ଆଖିରେ ଲୋ ସଖୀ

ଦେଖେ ମୁଁ ପ୍ରୀତିର ଛିଟା

ତୁମରି ଦେହର ଲାଳିତ୍ୟ ମୋ ମନେ

ଭରିଦିଏ ଆତ୍ମୀୟତା I

ଆଖିରେ ସାଇତି ରଖିଛି ତୁମକୁ

ରହିଥିବ ଚିରଦିନ

ଲେଖୁଥିବି ବସି ପ୍ରୀତିର ଆଲେଖ୍ୟ

ଭଗ୍ନ' ଶୀଳାର ମନ I