ଓଆଉ କିଛି ଲୋଡ଼ା ନାହିଁ

ନିଜକୁ ହଜାଇ ତୁମକୁ ପାଇଛି

ଆଉ କିଛି ଲୋଡ଼ା ନାହିଁ,

ଭସା ବାଦଲରୁ ବରଷା ହେଉଛି

ଆଉ, ଶ୍ରାବଣୀ ଖୋଜିବି କାହିଁ,

ଆଉ କିଛି ଲୋଡ଼ା ନାହିଁ !

ଅନେକ ଦିନରୁ ଅମଡ଼ା ରାସ୍ତାରେ

ଯାଉ ଥିଲି ଏକା ଚାଲି

କେବେ ପଥ ହରା

କେବେ ସାଥି ହରା

କେବେ ଅନ୍ଧାରେ ବୁଲିଲି

ତୁମେ ମିଳି ଗଲ

ମଶାଲଟେ ହୋଇ

ଆଉ,

ଅନ୍ଧାରକୁ ଡର କାହିଁ,

ଆଉ କିଛି ଲୋଡ଼ା ନାହିଁ  !

ସୁଖରେ ଦୁଃଖରେ

ସାଥିରେ ଚାଲିଲେ

ଦୀର୍ଘ ପଥ କଟି ଯିବ,

ଅସୀମିତ ବାଧା ଅମାପ ବନ୍ଧନ

ଆପେ ଆପେ ହଟି ଯିବ

ମରୁ ଭୂମିରେ ଯେ

ଝରଣା ମିଳିଲା

ଆଉ ନଦୀ ମୁଁ

ଖୋଜିବି କାହିଁ,

ଆଉ କିଛି ଲୋଡ଼ା ନାହିଁ