ଶିଶୁଟିର ଜନ୍ମ ଏହି ମହା ସମରରେ

ଜନ୍ମ ହୋଇଛି ସେ ଆଜି

ମହା ଭୟଙ୍କର ଏହି ସଂଗ୍ରାମ ପ୍ରାଙ୍ଗଣେ

ଚାରିଆଡେ କର୍ଣ ଭେଦି ଗୁଳି ଗୋଳା

ବୋମା ବିସ୍ଫୋରଣ

ତଥାପି ବି ମାଆ ତାର ହାର ମାନିନି

ଜନ୍ମ ଦେଇଛି ତାକୁ ଏହି

ମହା ସଂଗ୍ରାମ ଭିତରେ ।

ମାଆର ଗର୍ଭାଶୟରେ ରହିବା ଦିନଠୁଁ

ପିତାଙ୍କର ସ୍ନେହଁ ବୋଳା କର ସ୍ପର୍ଶ

ଅନୁଭବ କରି ଥିଲା କେତେ କେତେ ଥର

ଅନେକ ସ୍ୱାଦିଷ୍ଟ ଭୋଜନରେ

 ମାଆ ସାଥେ ଭାଗିଦାର ଥିଲା 

କିଵା ବେଳ କିଵା ଅବଳେର ।

ଆଜି କିନ୍ତୁ ଆଖି ଖୋଲି

ଟୁକୁର ଟୁକୁର ଦେଖେ ସିଏ

ରଣ ତ୍ରସ୍ତ ମଣିଷ ପୁଳାଏ

ଚାହିଁ ରହିଛନ୍ତି କେବଳ ତାହାକୁ

ନୀର ଭିଜା କାତର ନୟନେ

ସ୍ନେହଁରେ କୋଳକୁ ନେବା ପ୍ରତିବଳରେ ।

ତା ମାଆ କିନ୍ତୁ ତାକୁ ଜାବୁଡି ଧରିଛି

ନିଜର କୋଳରେ ଏକ ନିର୍ଭିକ ପଣରେ

ଆଉ ତା ଛାତିରୁ ଝରୁଥିବା ଅମୃତ ଵୁନ୍ଦରେ

ଉଦର ଜ୍ୱାଳା ଶାନ୍ତ ହୋଇଛି ତାର

ଦିନ ରାତି ବେଳ ଅବେଳରେ ।

ନିର୍ଭିକ ମାଆଟି ମଧ୍ୟ ପଣ କରି ଅଛି

ହେଉ ପଛେ ଶତ ଶତ ମିସାଇଲ ମାଡ 

ବିଷାକ୍ତ ଧୂଆଁ ଧୂଳିରେ ପୁରି ଉଠୁ ମହୀ

ତଥାପି ପାଳିବ ତାର ଏ ' ଅବୋଧ ଶିଶୁ

ବକ୍ଷରେ ଜାବୁଡି ଧରି ପ୍ରତି ମୁହୂର୍ତ୍ତରେ ।