"ତୋର ମୋର "

ତୁ ରାତିର କାକର

ମୁଁ ସୂର୍ଯ୍ୟ ସକାଳର

ତୁ ଗୋରୀ ଫୁଲ ଆଉ

ମୁଁ ଚଗଲା ଭ୍ରମର !

ତୁ ସ୍ୱଚ୍ଛ ଧାରଟିଏ

କେଉଁ ଅଳସି ନଈର

ମୁଁ କର୍କଶ ପାଷାଣ

ତୋର ଏ ଚଲା ପଥର

ତଥାପି ତୋ ସ୍ପର୍ଶେ ହୁଏ

ମୁଁ ଏତେ ବିଭୋର!

ତୁ ଝିପି ଝିପି ବର୍ଷା

ମୁଁବଜ୍ର ବିଜୁଳିର

ତୁ ପିଆସି ଚକୋରୀ

ମୁଁ ପାଗଳା ଚକୋର

ତଥାପି କାହିଁକି ଲାଗୁ

ଏତେ ଆପଣାର !

ତୁ ମଳୟ ପବନ

ଏକ ଚୋରା ଚଇତିର

ମୁଁ ଅଦିନ ବତାସ

ଏକ କାଳ ବୈଶାଖୀର

ତଥାପି ସମୟ ଗାଏ 

ଗଳ୍ପ ତୋର ମୋର !

ମୁଁ ଉନ୍ମୁକ୍ତ ଶାମୁକା

ଏକ ସାଗର ବେଳାର

ଟିକି କାକର ବିନ୍ଦୁ ତୁ

ଏକ ପୁସ୍ୟା ନକ୍ଷତ୍ରର

ମୋ ହୃଦେଲୁଚି ହେଲୁ

ମୁକ୍ତା

ଅମୁଲ ମୂଲର !

ତୁ ମଧୁର ସପନ

ପ୍ରତି ନିସ୍ତବ୍ଦ ରାତିର

ମୁଁ ଅଲେଖା କାହାଣୀ

ତୋର କୁଆଁରୀ ବେଳର

ମୋ ମନ ମନେ ବନ୍ଧା

କେତେ ଯେ ଯୁଗର !

ତୁ ପାଦର ନୁପୁର

ମୁଁ ବଇଁଶୀର ସୁର

ତୁ ଅଳତାର ଗାର

ମୁଁ ମଥାର ସିନ୍ଦୁର

ତୋର ମୋର ସାଥି ଅଟେ

ଯୁଗ ଯୁଗାନ୍ତର !

* ଅନ୍ତରର ପ୍ରେମ