"ମୋ ଗାଁ ରେ ସକାଳ "

ଉଇଁ ଉଇଁ ଆସେ ସୂରୁଜ 

ବୁଣି ବୁଣି ଯାଏ ମୂରୁଜ 

ମୋ ଗାଁ ବୋହୂ 

ରାତି ପାହୁ ପାହୁ 

ଦାଣ୍ଡ ବାରି କରେ ଶଉଚ !

ମୋ ଗାଁ ଚଷା ଭାଇ 

ଅଣ୍ଟାକୁ ଭିଡ଼ଇ 

ଖାଇଦେଇ ବାସି ପଖାଳ 

ସୁକୁମାରୀ ବିଲେ 

କେତେ ଯତନରେ 

ଫସଲ କରଇ ଅମଳ 

ଯୋଡି ବଳଦରେ  

ବନ୍ଧା ଘୁଂଗୁରୁରୁ 

ଶୁଭେ ମନଲୋଭା ଶବଦ !

ମୋ ଗାଁ ମନ୍ଦିରେ 

ମଙ୍ଗଳ ଆଳତି 

କରନ୍ତି ଯେ ପଣ୍ଡା ପୁଅ 

ଘଣ୍ଟା ଘଣ୍ଟି ନାଦେ 

ମନ୍ତ୍ରର ନିନ୍ନାଦେ 

ବହେ ଆନନ୍ଦର ସୁଅ 

ତାହା ସାଥେ  ମିଶି  

ପକ୍ଷୀ କଳରବ 

ମନ କରିଦିଏ ସତେଜ !

ଧୀବର ପୁଅଟି ଡ଼ଙ୍ଗା ଜାଲ ନେଇ 

ଚିଲିକାରେ କରେ ପ୍ରବେଶ 

ମାଆ କାଳିଜାଇ ସୁମରଣା କରି 

ମାଛ ଧରେ ହୋଇ ହରଷ 

ଚିଲିକା ରାଣୀର 

ସୁନୀଳ ଜଳରେ 

ଚି଼କମିକ କରେ ସୂରୁଜ !