Library
Profile
ନୂତନ ବର୍ଷ ଆଗମନେ
ନୂତନ ବର୍ଷ ଆଗମନେ
ଆଖି ମଳୁମଳୁ ବହିଗଲା ତେଇଷିର ଶୀତୁଆ ବାଆ ,
ସଂସାର ଗୋଟାକ ଡାକୁଛି ଚବିଶିକୁ ସଅଳ ଆରେ..ଆ ।
ସମୟ ଚକଟା ସତେ କେମିତି ଯାଉଛି ଗଡି !
ବନ୍ଧୁଏ ,ବୟସ ବି ଆମ ସଧିରେ ଯାଉଛି ବଢି।
ନିଆରା ଢଙ୍ଗେ ଗଢିବା ଆଗାମୀ ଆମ ଜୀବନ ଧାରା ,
ହସରଙ୍ଗ ନିତି ବୋଳୁଥିବା ସଂଘର ନେଳି କାନ୍ଥ ସାରା ।
ମିତ ମିତଣୀ ଗହଣେ ସିନା ଉନ୍ମାଦନା ଢେଉ ସେ ଚଳେ,
ପାଥେୟ ସେଇ ଆନ୍ତରିକ ଖୁସି ବାକିଆ ଜୀବନ କାଳେ।
ରଖିବା ଆଜିଠୁ ଆସ ସଞ୍ଚାରି କିଛି ଆନନ୍ଦ ମନର ବଳ ,
ସଂସାର ଯାକର ଭୋଗ ବିଳାସ ଏଇ ଟିକିଏ ହସର ତଳ ।
ଚାଲିଛି ଚାଲୁ
ଥିବ ସଦା ଆମ ସଂସାର ଜଞ୍ଜାଳ କଳ ,
ହଜୁଛି ହଜାଇବ ମନ,ସାଙ୍ଗମେଳେ ଥଟ୍ଟାମଜାର ବଳ।
କରିବା ଚବିଶରେ ନୂଆ ଏକ ପଣ ଆମେ ବନ୍ଧୁଏ ମିଶି ,
ବନ୍ଧୁ ମେଳି ଡାକରାକୁ ଜମା କରିବାନି ବାହାନା ବେଶି ।
ଏବେଠୁ ସାଉଁଟି ରଖିଥିଲେ ସିନା ଉଲ୍ଲାସ ଛବିର ବଣ,
ଭବିଷ୍ୟ ଉଦାସୀ ବେଳାରେ କରିବା ପୁରୁଣା ସ୍ମୃତି ଚାରଣ।
ସଶ୍ରଦ୍ଧେ ବିଦାୟ ମିଠା ସ୍ମୃତିର ବର୍ଷ ଦୁଇ ହଜାର ତେଇଶି ,
ଆସିଲାଣି ଖଟାମିଠା ବ୍ୟଙ୍ଗର ସମ୍ଭାର ନେଇ,ଭାଇ ଚବିଶି।
ସଙ୍ଗାତ ସଙ୍ଗୀନୀ ମାନେ କିଛି ଆଉ କହିବିନି ବେଶି ,
ମଝିରେ ମଝିରେ ବାର୍ତ୍ତାଳାପ କରୁଥିବ ହସି ଖୁସି ।
