ସାଇକେଲ ସହ ଜୀବନ

ରହିଛି ଅତିତ ସ୍ମୃତିରେ 'ସାଇକଲ ସହ ଆମ ଜୀବନ' ,
 
ପ୍ରାପ୍ତି ଯାହାର ସପନେ ଜାଗରଣେ ମଣେ ଅମୂଲ ଧନ ,

ଶୂନ- ଗାଡି ସବାର ଭ୍ରମଣେ ସଦା ଆତୁର ବାଳ ମନ ।


ସଭିଙ୍କର  ସେବେ ଏକ ହିଁ  ସହଜ ସୁଲ୍ଲଭ ବାହନ ,

ପବନ ଭରି ପବନ ବେଗେ ଛୁଟେ କରି ପଦ ସଞ୍ଚାଳନ ,

ନୂଆ ଜୋଇଁର ରାଲେ ସାଇକଲ କେଡେ ହେଁ ସମ୍ମାନ।


ସତୁରି ଦଶକେ ଗଡେ ତିନି ଚକିଆ, କୁନି ମନ ମଗନ ,

ଅଗଣାର ଗହଳ, ଭଉଣୀଭାଇ ଟିକି ପ୍ୟାଡେଲ ଚାଳନ,

ବାଳକଙ୍କୁ ମିଳେ ତାପର ଦଶକେ ତୁରନ୍ତ  ଗମନ ସାଧନ।


ଅଶୀଦଶକେ ରଙ୍ଗୀନ ସଂସ୍କରଣ ବାଳିକାଙ୍କ କୁଣ୍ଢେ ମନ,

କଟିଲା ଏମିତି ସମୟ ଆମ ,ସ୍କୁଟର ଥିଲା ତ ଦୂର ସପନ ,

ଏ ଯୁଗ ଦେଖାଏ ପୁଣି ,ବ୍ୟାଟେରି ଯୁକ୍ତ ରଙ୍ଗ ରୂପ ଅନନ୍ୟ।


ଚଢିବାକୁ ସ୍କୁଟର ସ୍କୁଲ, କଲେଜ ଛାତ୍ରଛାତ୍ରୀ ଭାରି ଉଛନ୍ନ।

ବିନା କସରତ , ଅଣ୍ଟାପିଠି ପିଡା ବଢାଏ ମୋଟର ଯାନ।

ଚାଲିଛି ତେଣୁ ସହର ବଜାରେ ଯୋଗ ,ଜିମ୍-ର ଦୋକାନ।


ଛାଡି ପ୍ୟାଡଲ,ଜିମ୍, ବ୍ୟଥା ବ୍ୟାଧିରେ ବହିଯାଉଛି ଧନ,

ସାଙ୍ଗ କହିଲେଣି ପୁଣି କର ଅଭ୍ୟାସ ପୂର୍ବର ଦ୍ଵିଚକ୍ରି ବାହନ।

ଭାବୁଛି ମାନିଲେ କୁହା କାଳେ ଫେରିବ କି ଟିକେ ଯଉବନ !!