ଓଡିଆଙ୍କ ପ୍ରାଣ ପଖାଳ

ଗ୍ରୀଷ୍ମ ପ୍ରଧାନ ଦେଶ ତ ଆମ ଏ ଭାରତ ଦେଶ ,

      ତା ଚାଇ ତ ପୁଣି ହୋଇଛି ଖାଦ୍ୟ  ଓ ବେଶ ।

ବିଜ୍ଞାନ ତ କରିଛି ଉନ୍ନତି ହେଲେ ପରିବେଶ ଅବନତି,

     ଗ୍ରୀଷ୍ମେ ରୌଦ୍ରେ ଉତ୍ତାପ ବଢିବଢି କରେ ଜୀବନ ଇତି ।

ବିଗିଡି ଗଲାଣି ବି ଏବେ ମଣିଷର ମତିଗତି,

      ଅକାରଣେ ଯୁଦ୍ଧେ ମାତି ,ନ କରି ଭବିଷ୍ୟ ଭିତି ,

              ନଷ୍ଟ କରି ପରିବେଶ ବଢେଇ ଚାଲିଛି ତାତି। 

ଆମ ପୂର୍ବଜ ମାନଙ୍କ ଥିଲା ବୋଲି ଖାଦ୍ୟ ପ୍ରିତି,

     ସୃଜିଥିଲେ ସ୍ୱାଦିଷ୍ଟ ତଥା ପୁଷ୍ଟିକର ଖାଦ୍ୟ ରିତି। 

ଓଡିଆଙ୍କ ଚିର ପରିଚିତ ପଖାଳ ପରା ସେଇଟା ,

         ଯାହା ରାନ୍ଧିବ ତା ସାଙ୍ଗେ ବଢାଏ ଖାଇବା ମଜାଟା। 

ବଡିଚୁରା,ସାଗଭଜା ବାଦାମ ଚଟଣିକୁ ଆଳୁ ଚକଟା ,

        ସବୁ ସାଙ୍ଗେ ନିହାତିଥିବ ଲଙ୍କାଲୁଣ ରସୁଣ ପାଗଟା ,

ସୁଆଦ ବଢେ ପଣସ କଦଳୀ, କଲରା ପିଠଉ ଭଜାଟା ।

  ପିଜା ବରଗର୍ ନା ' ଖାଲି ତୁଛାଟା ,

                     ଖାଇ ତାକୁ ବଢେ ଖାଲି ପେଟ ରୋଗଟା ।

ଆମ ପାଣିପାଗକୁ ସୁହାଏ ପେଟଥଣ୍ଡା ଦହି ତୋରାଣିଟା,

        ପଖାଳ ବୈଶିଷ୍ଟ୍ୟକୁ ପ୍ରସାର କରିବା କାମଟା ,

     ସାରିବା ପାଳି  ଉତ୍ସାହେ ପଖାଳ ଦିବସଟା ,

  ପ୍ରବାସୀ ଓଡିଆ ମାନ ମୋର ସାନ କଥାଟା ,

             ପିଲାଙ୍କୁ ବୁଝାଇ ଓଡିଆ ଅସ୍ମିତା ବିଶେଷତା,

                 ନିହାତି ପାଳିବ ଖୁସିରେ ଆଜିର ଦିନଟା ।