ଜୟ ମା ମହିଷମର୍ଦିନୀ

ଦୈବ ସୃଜନେ ଶସ୍ତ୍ର ପ୍ରଦତ୍ତେ

                  ଅବତରି ଗିରିବର ନନ୍ଦିନୀ ,


 ପ୍ରକମ୍ପିତ ସମଗ୍ର ମୃତ୍ତିକା ମେଦିନି 

            ପଦସ୍ପର୍ଶେ ଦଶଭୁଜା ତ୍ରୀଶୂଳ ଧାରିଣୀ ।


ପଶୁରାଜ ଗର୍ଜନେ ପାପି ଶିହରେ
 
            ସମ୍ପାଆଲୋକେ ଉଭା ସିଂହବାହିନୀ ।


ମହିଷାସୁର ତାରିଣ , ଶାନ୍ତି ସ୍ଥାପିତେ 

               ପୂଜ୍ୟନ୍ତି ସର୍ବେ କୈଟଭ ଭଞ୍ଜନୀ ।


ଅଗ୍ନି ପ୍ରକଟିତା ଶୈଳସୂତା ,

                 ତ୍ରୀଭୂବନେ ବନ୍ଦିତା ଶଙ୍କର ମୋହିନୀ ।


ଦାରିଦ୍ର୍ଯ ଭଞ୍ଜନୀ ଭୂପରେ  ପ୍ରତିଷ୍ଠିତା ,

                       ଦେବୀ ବନ-ପ୍ରିୟ ବାସିନୀ ।


 ଦୀନ ତୁଷ୍ଟି ଆଶିଷ ପ୍ରଦାୟୀ 

                      ସିନ୍ଧୁସୁତା ମା '  ଦୂର୍ଦ୍ଧର  ଧର୍ଷିନୀ ।


 ଦେବୀ ମାତା କରୁଣା ବାଞ୍ଛନେ

                     କୃପା ପ୍ରଦାୟୀନୀ ଅୟଗିରି ନନ୍ଦିନୀ ।


ଦଶଭୂଜା ଆଗମେ ଭକତ ବିଭୋର 

                 ହୃଦେ ବିରାଜିତା ଦୁର୍ଗତିନାଶିନୀ ।


ଆଶିଷାମୃତ ପାନେ ଭକ୍ତ ସମର୍ପିତ
 
               ତବ ଶ୍ରୀଚରଣେ ମା' ବିଶ୍ୱ ବିନୋଦିନୀ  ।