ସୁସ୍ୱାଗତ ନବବର୍ଷ

ଏକବିଂଶ ଶତାବ୍ଦୀର ଷଡବିଂଶ ବର୍ଷ,  ସୁସ୍ୱାଗତ ତୁମେ ଆସ।

ପୌଷ ଶୀତୁଆ ହେମାଳ ପବନେ ,

ଥରେ ବସୁନ୍ଧରା ଶିଶିର ପତନେ ,

ଚିରି କୁହୁଡି ତୁଷାର ପରଦା,  ନବ ବର୍ଷ  ତୁମେ ଆସ ।

ଏକବିଂଶ ଶତାବ୍ଦୀର ଷଡବିଂଶ ବର୍ଷ।

 
ଯୁଇ ଜାଇ ଗେଣ୍ଡୁ କୁସୁମେ ବେଶ ,ହେନା ଗଙ୍ଗଶିଉଳି ବାସ ।

ପୂରୁବ ନଭେ ସ୍ୱର୍ଣ ଶୀତଳ କିରଣ ପରଷ।

ସୁନ୍ଦର ସୁଖ ସମୃଦ୍ଧିର ଅନେକ ଆଶ ।

ନେଇ ସଙ୍ଗେ ଉପହାର ବିଶେଷ , ଆସ ନବବର୍ଷ ଆସ।

ଏକବିଂଶ ଶତାବ୍ଦୀର ଷଡବିଂଶ ବର୍ଷ,  ।


କୁଝ୍ଝଟିକାମୟ  ମଣ୍ଡଳେ ପ୍ରକାଶ ,କାକର ବିଞ୍ଚା  ଗାଲିଚା ଘାସ,

ସଧିରେ ଥାପି ପାଦକୁ ଏଇ ଜୀବନେ ,

ଆସ ପ୍ରିୟ ସହୋଦର ଅବନୀ ଅଙ୍ଗନେ ।

ସବୁରି ମନେ ଭରି ପ୍ରୀତିଷ   ,ନବବର୍ଷ ତୁମେ ଆସ ।

ଏକବିଂଶ ଶତାବ୍ଦୀର ଷଡବିଂଶ ବର୍ଷ,  ।


ଧୂମ୍ର  ଲାଗେ ନୀଳ ଆକାଶ , ବିଦାୟୀ ବର୍ଷର ତିକ୍ତ ଇତିହାସ ,

ମନୁ ଲିଭେ ନାହଁ ବିଧ୍ୱଂସ  ଅପକଥା ,

କେମିତି ଲେଖିବ କିଏ ସେ ଗାଥା।?

ଏବେ ଲେଖାହେବ ନୂଆ ଇତିହାସ, ନବବର୍ଷ ତୁମେ ଆସ।

ଏକବିଂଶ ଶତାବ୍ଦୀର ଷଡବିଂଶ ବର୍ଷ,  ।


କଳଙ୍କ ,କାଳିମା  କଳୁଶ , ପିଶାଚ ସାଜିଛି ଆଜିର ମଣିଷ।

ଦୈତ୍ୟ ପ୍ରବୃତି ମନୁଷ୍ୟ ଆଚରେ ,

ଲିପ୍ତ ଷଡଯନ୍ତ୍ରର ବ୍ୟଭିଚାରେ ,

ବଦଳାଅ ସବୁ ଦେଇ ଦିବ୍ୟପରଷ , ନବବର୍ଷ  ତୁମେ ଆସ।

ଏକବିଂଶ ଶତାବ୍ଦୀର ଷଡବିଂଶ ବର୍ଷ,  ।


ତବ ଆଗମନି  ବନ୍ଦନା ସଙ୍ଗୀତେ କରେ ମୁଁ ସ୍ୱାଗତ।

ମଧୁମୟ କର ସକଳ ଜୀବନ ,

ହେଉ ମେଦିନି  ପିୟୁଷ  ପ୍ଳାବନ ।

ଜନ୍ମ ନିଅନ୍ତୁ ଅନେକ ବୀର ପୁରୁଷ, ନବବର୍ଷ ତୁମେ ଆସ।

ଏକବିଂଶ ଶତାବ୍ଦୀର ଷଡବିଂଶ ବର୍ଷ  ।

 
ବିଷମ ସଂକଟେ ଧରଣୀ , ବିଷ ଯମୁନାରେ ଉଠେ  ଉଜାଣି।

ତୁମ୍ଭ ପଦ ପାଦେ ଅନେକ  ଭରସା ,

ଜାଗତିକ ନବ ସମ୍ଭସ୍ଛରେ  ରସା।

ରସସିକ୍ତମୟ କର ମାନସ ,ନବବର୍ଷ ତୁମେ ଆସ।

ଗୌରବମୟ ହେଉ ଆମ ଭାରତବର୍ଷ। 

ଏକବିଂଶ ଶତାବ୍ଦୀର ଷଡବିଂଶ ବର୍ଷ,  ।