"ନୂଆ ବରଷର ନୂଆ ସକାଳ"
"ନୂଆ ବରଷର ନୂଆ ସକାଳ"
ଯାମିନୀ ହଟିଲା ସିନ୍ଦୁରା ଫାଟିଲା
ନୂଆ ବର୍ଷ ଆସିଲାଣି
ନୂଆ ସକାଳର ପ୍ରଥମ ସୂରୁଜ
ପ୍ରାଚୀ ଭାଗେ ଉଇଁଲେଣି l
ନବ ଉନ୍ମାଦନା ନୂଆ ଆଶା ନେଇ
ଦେଖ ଏ ଜଗତବାସୀ
ନବ ଚେତନାରେ ନବ ଭାବନାରେ
ମନ୍ତ୍ରିତ ହେଲେଣି ଆସି l
ପହିଲି ପ୍ରଭାତେ ତରୁ ଡାଳେ ବସି
ପକ୍ଷୀ ଗାଇଲେଣି ଗୀତ
ଥିରି ଥିରି ବାଆ କୁହୁଡି ସାଙ୍ଗକୁ
ବହୁଛି କାଲୁଆ ଶୀତ l
ନବ ରବି କର ପଡ଼ିଣ ସତ୍ୱର
ପ୍ରକୃତି ଦିଶଇ ତୋରା
ନଗରଠୁ ପଲ୍ଲୀ ପହିଲି ପୁଲକେ
ହୋଇଲେଣି ଆତ୍ମହରା l
ନୂଆ ସକାଳର ନୂତନ ସଂକଳ୍ପ
ନୂଆ ସ୍ବପ୍ନ ନୂଆ ଆଶା
ସବୁରି ଜୀବନ ସୁଖମୟ ହେଉ
ଜାଗିଉଠୁ ଭଲବାସା l
ରାଗ ହିଂସା ଦ୍ୱେଷ ହେଉ ସବୁ ଶେଷ
ସଦ୍ଭାବନା ଉଠୁ ଜାଗି
ସହଯୋଗୀତାର ହାତ ବଢୁ ଏଠି
ଦୁଃଖୀ ମଣିଷର ଲାଗି l
ଏ ନୂଆ ସକାଳ ସଫଳତା ଆଣୁ
ପ୍ରଭୁଙ୍କ ପାଖରେ ଅଳି
ଏ ଦେଶ ମଣିଷ ସହଭାଗୀ ହେଉ
ଦେଶ ପ୍ରେମ ଦୀପ ଜାଳି l
ଏ ନୂଆ ବରଷେ ନୂଆ କରି ପୁଣି
ଗଡୁ ଏ ଜୀବନ ରଥ
ଅତୀତକୁ ଭୁଲି ଗଢିବା ଆସରେ
ଆଗାମୀର ଭବିଷ୍ୟତ l