ନିଷ୍ପତ୍ତି ପୂର୍ବରୁ ଭାବିବା ଟିକେ

ଚେତନ ମାନବ ସୁଖେ ଜିଇଁବାକୁ

ନିଇତି ଯୁଝଇ କରମ ସାଥେ

ନିଷ୍ପତ୍ତି ଉପରେ ନିର୍ଭର କରଇ

ସୁଖଦୁଃଖ ଫଳ ଲଭଇ କେତେ !

ଯେତେବେଳେ ଯାହା ମନକୁ ଆସଇ

ଯେବେ ନ ସମର୍ପେ ବିବେକ ହାତେ

ହୁଏ ବାଟବଣା ନ ପାଏ ଠିକଣା

ନାନା ଅସୁବିଧା ଉପୁଜେ ପଥେ ।

ଜ୍ଞାନହୀନ ବୋଲି କ୍ଷୁଦ୍ର କୀଟ ସିନା

ଛନ୍ଦି ହୁଏ ବୁଢିଆଣୀ ଜାଲରେ

ଅନୁଶୋଚନରେ ଘାରି ହେବା କିଆଁ

ଜ୍ଞାନ ଗୁଣ ସବୁ ଥାଇ ପାଖରେ ?

କରମ ଆରମ୍ଭ କରିବା ପୂର୍ବରୁ

ନ ଭାବିବା ବାବବାର କାହିଁକି ?

ଯୋଗାଇବ ପରା ଶତସିଂହ ବଳ 

ନ ପଡ଼ିବ ମନ କେବେ ବି ଥକି ।

ତରତର ହୋଇ ଆଗକୁ ମୁହାଁଇ

ହାରି ଯାଇଥାନ୍ତି ଜୀବନେ ଥୋକେ

ସେଥିପାଇଁ ନିଜ ଇଚ୍ଛା ପୂରା ପାଇଁ

ନିଷ୍ପତ୍ତି ପୂର୍ବରୁ ଭାବିବା ଟିକେ ।