ନିଶା ମହିମା
ନିଶା ମହିମା
ନିଶା ର ମହିମା ଅଟେ ଅତୀବ ଗହନ
ନିଶେଷ କରଇ ନିଶା ମଣିଷ ଙ୍କ ପ୍ରାଣ ।
ନିରନ୍ତର ବଢ଼ି ଚାଲେ ନିଶା ଆକର୍ଷଣ
ନିଶା ଖୋର ହୋଇ ଥାନ୍ତି ସେବା କରି ଜନ ।
ନିଶା ସେବା କରି ପାପ ହୁଅଇ ବହୁତ
ନାଶି ଦିଏ ଧୀରେ ଧୀରେ ମାନ ଓ ମହତ ।
ନିଶା ପ୍ରତି ପ୍ରୀତି ଆଉ ଭକ୍ତି ଅନୁରାଗ
ନିତି ପ୍ରତି ତା ସେବା ରେ ବଢ଼ାଏ ସରାଗ ।
ନିୟୋଜିତ କରେ ନିଶା ନିଶା ଖୋର ଜନେ
ନିତି ନିତି ଆପଣା ର ପୟର ସେବନେ ।
ନରମ ସୂତା ର ତାର ତାର ମୋହନ ବନ୍ଧନ
ନୁହା ଶିକୁଳି ହୁଅଇ ବଢ଼ି ଦିନୁ ଦିନ ।
ନୁହଇ ତାହା ଠୁ ଆଉ ମୁକୁଳି ପଛ କୁ
ନିରନ୍ତର ଇଚ୍ଛା ହୁଏ ନିଶା ସେବିବ। କୁ ।
ନିଇତି ନିଇତି ସେଇ ଟଣାଇ ପଇସା
ନୂଆ ନୂଆ ଦୁଃଖ, ରୋଗ, ଲୋଭ ଘୃଣା, ଈର୍ଷା ।
ନିମନ୍ତ୍ରି ଆଣଇ ଜାଣ ସେହି ପ୍ରତି କ୍ଷଣ
ନିଭାଇ ଚାଲଇ ନିତି ନିତି ଅନଟନ ।
ନିରୋଗ ଶରୀର ହୁଏ ରୋଗ ଗନ୍ତାଘର
ନିତି ଲାଭ ଉଠାଅନ୍ତି ବଇଦ ଡାକ୍ତର ।
ନିରେଖି ଦେଖିଲେ ନିଶା ଅଶେଷ ମହିମା
ନିରୂପିତ ହୁଏ, କରି ନ ହୁଏ ବର୍ଣ୍ଣନା ।
ନାରୀ ଧରଷଣ ହତ୍ୟା, ନାନା ଦୁର୍ଘଟଣା
ନିଶା ଯୋଗୁଁ ନିତି ନିତି ଘଟି ଚାଲେ ସିନା ।
ନିଷ୍ପାପ ଜନ ଙ୍କୁ କରେ ପ।ପେ ନିଷ୍ପେସିତ
ନୃଶଂସ ପ୍ରହାର ଦିଏ ଜୀବନେ ନିସ୍ତୁକ ।
ନିର୍ମମ ଭାବରେ ପ୍ରହାରଇ ଅନୁକ୍ଷଣ
ନାଣ୍ଢୁ କରି ଦିଏ, ହରି ନିଏ ସବୁ ଧନ ।