ଲାଇବ୍ରେରୀ
ପ୍ରୋଫାଇଲ୍
ଜୟ ଜୟ ଲମ୍ବୋଦର
ଜୟ ଜୟ ଲମ୍ବୋଦର
1 min
135
ଜୟ ଜୟ ଲମ୍ବୋଦର
ଗଉରୀ ନନ୍ଦନ
ଜୟ ଜୟ ଏକଦନ୍ତ
ଜୟ ଗଜାନନ।
ଜୟ ଜୟ କାଳଜୟୀ
ପୃଥିର ଉଦର
ଜୟ ଜୟ ଅଗ୍ରଭୁଜ
ଜୟ ବିଘ୍ନେଶ୍ୱର।
ମାତା ପାର୍ବତୀଙ୍କ ଅଙ୍ଗୁ
ଜାତ ହେଲା ତୁହି
ଦ୍ଵାରପାଳ ହୋଇଥିଲୁ
ମା ଆଦେଶ ରହି।
ଜାଣି ନ ପାରିଲେ ଦେବ
ଦେବ ଯେ ମହେଶ
ମୁଣ୍ଡ କାଟି ପ୍ରବେଶଲେ
ଶୈଳଙ୍କର ପାଶ।
ମାତାଙ୍କ ଆଦେଶ ହାତୀ
ମୁଣ୍ଡ ଯେ ଲାଗିଲା
ଗଜାନନ ବୋଲି ତୋତେ
ଜଗତ ଜାଣିଲା।
ପ୍ରାର୍ଥନା ଯେ ଜଣା ନାହିଁ
ଲେଖେ ତୋ ଆଶିଷେ
ନିଚ ହୋଇ ଉଚ୍ଚ ଆଶା
ରଖିଛି ମୋ ପାଶେ।
ତୋର ପାଦେ ମୁହିଁ ପ୍ରଭୁ
ପଶୁଛି ଶରଣ
ଶେଷରେ ଶେଷ କରୁଛି
ମୋ ଛୋଟ ଜଣାଣ।
