ଲାଇବ୍ରେରୀ
ପ୍ରୋଫାଇଲ୍
ପିଲା ଦିନ କଥା
ପିଲା ଦିନ କଥା
1 min
169
ମୁଁ ଯବେ ପିଲା ଥିଲି
କେତେ ଖେଳୁଥିଲି ବୁଲୁଥିଲି
ପିଲା ଦିନେ ଖେଳୁଥିଲି ସାଙ୍ଗ ମେଳରେ
ଦୀନ ମୋର କଟୁଥିଲା ଗାଁ ଦାଣ୍ଡରେ
ମୁଁ ଆଜି ଏବେ ସାଜିଛି ବୋହୁ
ସେ ସବୁ ମୋତେ ମନା ।
ସେ ଦୀନ ମୁଁ ରାନ୍ଧୁଥିଲି ମିଛି ମିଛିକା
ସଢେଇରେ ଭାତ, ତାଲି ହସିହସିକା
ମଜା ଲାଗୁଥିଲା ସବୁ ଘର କରଣା
ନିଜେ ଜାଣି ନ ଥିଲି ମୁଁ ନିଜ ଠିକଣା ।
ମୁକ୍ତ ଆକାଶର ମୁହିଁ ବିହଙ୍ଗ ଥିଲି
ଡେଣା ଝାଡି ମନଖୋଲି ଉଡୁ ମୁଁ ଥିଲି
ଏ ଗଛରୁ ସେ ଗଛକୁ ଡେଇଁଲା ପରି
ଡେଉଁଥିଲି କାହାରିକୁ ମୁହିଁ ନ ଡରି
ଆଜି ମୁଁ ଏଠି ପିଞ୍ଜରା ବଦ୍ଧ
ସେ ସବୁ ମୋତେ ମନା ।
ବାପା ମା'ଙ୍କର ମୁହିଁ ପରୀ ଯେ,ଥିଲି
ଜେଜେ, ଜେଜୀଙ୍କ ପାଇଁ ଗେଲ୍ଲୀ ମୁଁ ଥିଲି
ଅଜା ଆଈଙ୍କର ମୁଁ ନିୟନ ମଣି
ଅତୀତ ମୋ ପାଇଁ ଏକ କାହାଣୀ
ପିଲା ଦିନ ମୋର ପାଇଁ ଆଜି ଅଜଣା
ଚିହାଁ ମୁହଁ ହୋଇଗଲା ମୋର ଅଚିହ୍ନା ।
