ଲାଇବ୍ରେରୀ
ପ୍ରୋଫାଇଲ୍
ବାବାରେ କି ବଡ଼ ଝାମେଲା
ବାବାରେ କି ବଡ଼ ଝାମେଲା
ସାତ ଶାଳୀରେ ମୁଁ ଗୋଟିଏ ଭିଣେଇ
ଯାଇଥିଲି ବାଲି ଯାତରା
ଫର୍ ମାଇସ୍ ତାଙ୍କ ପୁରା କରୁକରୁ
ହୋଇଗଲା ମୁଣ୍ଡ ପାଗେଳା
ବଡ ଶାଳୀ କହେ ଭାଇ ତୁମେ ମୋତେ
କିଣି ଦେବ ହଳେ ଚପଲ
ତା ତଳ ଶାଳୀ କହେ ଭାଇ ଚାଲ
ଫିଲିମ୍ ଦେଖିବା ହଲ୍
ତୃତୀୟ ନମ୍ବର ଶଳୀ କହେ ଆମେ
ଦୋଳୀରେ ବସିବା ଭାଇ
ଓହ୍ଲାଇ ଦେଖିଲୁ ଚତୁର୍ଥ ନମ୍ଵର
ଶାଳୀଟି ଗଲାଣି ପଳାଇ
ପଞ୍ଚମ ଶାଳୀଟି ମୋଟେ ଅଶି କିଲୋ
ଖାଇବାରେ ତାର ଲୋଭ
ଯାହା ସେ ଦେଖିଲା ଖାଇବି କହିଲା
ପେଟ ନୁହେଁ ବଡ କୁମ୍ଭ
ଷଷ୍ଠ ଶାଳୀଟି ଟେସ୍ନାରୀ ଦୋକାନ
କହିଲା ନେବି ମୁଁ ଉଠାଇ
ସବା ସାନ ଶାଳୀ ସାନ ଟିକେ ଅଛି
ଖେଳନା ପାଇଁକି କାନ୍ଦଇ
ନୂଆ ନୂଆ ମୁଁ ବାହା ହୋଇଅଛି
ଭାଙ୍ଗି ପାରିଲିନି କଥା
ଫେରିଲା ବେଳକୁ ପକେଟ୍ ଖାଲି
ଅଣ୍ଟା ହେଲାଣି ମୋ ବ୍ୟଥା
ସାତ ଶାଳୀ ବୋଲି ଗର୍ବ କରୁଥିଲି
ଗର୍ବ ହେଲା ମୋର ଚୁନା
ଲାର୍ଟିନ୍ ଲାଗିଲା କହି ମୁଁ ଫେରିଲି
ମିଛରେ କରି ମୁଁ ବାହାନା
ଶାଳୀ ଠାରୁ ସିନା ଛୁଟ୍ କରା ପାଇଲି
ପଡିଲି ଶଶୁର କବଳେ
ଝିଅ ମୋର ଗୋଟେ କେଉଁଠି ଛାଡିଲୁ
ଯା ଆଣେ ଖୋଜି ଆଉଥରେ
ଝିଅକୁ ମୋର ଖୋଜିକି ଆଣିବୁ
ତାପରେ ଲାର୍ଟିନ୍ ଯିବୁ
ତାଙ୍କ କଥା ଶୁଣି ମଥା ଘୁରିଗଲା
ଅନ୍ଧାର ଦିଶିଲା ସବୁ ।
ମିଛ କହି ସିନା ଆସିଥିଲି ଧାଇଁ
ସତରେ ଲାର୍ଟିନ୍ ଲାଗିଲା
ଆଣନିଃଶ୍ୱାସରେ ପୁଣି ଧାଇଁଲି
ବାବାରେ କି ବଡ ଝାମେଲା
