ନିରନ୍ତର ଲେଖୁଥିବି...

କିଏ ଲେଖୁଅଛି ପ୍ରେମର କବିତା    

କେ ଲେଖେ ବିରହ କବିତା

କିଏ ଲେଖୁଅଛି ବିଦ୍ରୋହ କବିତା

କେ ଲେଖେ ଶାନ୍ତିର କବିତା,.......

କିଏ ଲେଖୁଅଛି ମାଆଙ୍କ କବିତା

କେ ଲେଖେ ବାପାଙ୍କ କବିତା

କିଏ ଲେଖୁଅଛି ଭକ୍ତିର କବିତା

କେ ଲେଖେ ଭାବର କବିତା

ଯାହା ଦେଖୁଅଛି ତାହା ଲେଖୁଅଛି

ଯାହା ଆସୁଅଛି ମୋତେ

ପ୍ରତ୍ୟେକ ଭାବର କବିତା ଲେଖୁଛି

ଭୁଲ ବୁଝ ନାହିଁ ମୋତେ

କେତେ କହିଲେଣି ପାଗଳ ହେଲାଣି

ପ୍ରତିଦିନ ଲେଖେ କବିତା

କିଏ କୁହେ ପୁଣି ଏଣୁ ତେଣୁ ଲେଖେ

ଲେଖିଆସେ ନାହିଁ କବିତା

ଯିଏ ଯାହା କହୁ ମୋହର କି ଯାଏ

କିଛି ଭାବିବାର ନାହିଁ

କବିତା ଲେଖାରେ ଯେଉଁ ଶାନ୍ତି ପାଏ

ଆଉ କେଉଁଥିରେ ନାହିଁ.....

ଆଗରୁ ଲେଖିଛି ଏବେ ବି ଲେଖୁଛି

ଆଗକୁ ବି ଲେଖୁଥିବି

ଯେତେ ଦିନ ଯାଏଁ ଦୁନିଆଁରେ ଥିବି

ନିରନ୍ତର ଲେଖୁଥିବି.....